9/11 herdenk, 15 jaar ná terreuraanval

Die “One World Trade Center” vanaf die noordelike poel gesien. Dié poel is op die plek waar die ou Noordtoring van die Wêreldhandelsentrum gestaan het. Die terreuraanval op Amerika – 9/11 – is Sondag in Manhattan, New York, en op ander plekke wêreldwyd herdenk. Op dié Woensdag, 15 jaar gelede, het vier passasierstralers teikens aan die Amerikaanse ooskus getref. Een passasierstraler het in Pennsilvanië neergestort, een het die Pentagon in Washington getref en twee het deur die Twin Towers gebars. By Ground Zero, die plek waar die Twin Towers gestaan het, is ’n museum opgerig ter ere van die 2 977 mense wat in die terreuraanval gesterf het. Nampa/AFP