8 0000 lopies vir Wanderers-yster

Tielman van LillWessel Myburgh, wat sedert September 2007 vir Samsung FNB Wanderers-krieketklub speel, het Saterdag die kerf van 8 000 lopies vir die Wit Hingste verbygesteek.Myburgh het vir die tweedespan in Krieket Namibië se T20-eerste liga teen WHS Old Boys met 51 lopies dié mylpaal bereik. Sy 8 006 lopies (54 vyftigtalle, 13 honderdtalle) teen 'n gemiddeld van 46.5 in 204 kolfbeurte sluit 676 viere en 345 sesse in. Sy hoogste telling van 169 nie uit nie het hy in die 2013-14-seisoen teen Unam behaal.Die 30-jarige Myburgh wat 150 wedstryde vir sy klub se eerstespan agter die rug het, sê hy wil minstens nog ses jaar speel.“Ek het nie geweet ek is naby so 'n mylpaal nie. Oom Wynand Louw het my kort voor die kragmeting ingelig. Ek is aangenaam verras en wil graag nog so lank as moontlik vir Wanderers speel. “Dis lekker om te weet ek het dié besonderse mylpaal behaal. Ek weet nie wie nog van die Wit Hingste die prestasie behaal het nie. Daar is mos talle groot name wat voor my vir Wanderers die wilgerlat geswaai het,” het hy beskeie aan Republikein gesê.Saterdag se uitslae:1 Old Boys II (149/7 in 20 boulbeurte) klop Wanderers II (148/6 in 20) met drie paaltjies by Wanderers. 2 Wanderers Platteland (123/7 in 18.5) wen Trustco United 2 (122/6 in 20) met drie paaltjies by Gemsbokpark.3 Wanderers II (122/3 in 20) klop CCD Tigers II (111/5 in 20) met 11 lopies by CCD-veld.4 WHS Old Boys Vintage (180/7 in 20) klop Wanderers Platteland (179/7 in 20) met drie paaltjies by Vegkop.5 Wanderers-distrikte (119/5 in 19.2) wen Old Boys 2 (117/7 in 20) met vyf paaltjies by Wanderers.Saterdag se topkolwers (50 en meer)1 JC Balt (Wanderers II) 75 van 64 balle (5x4, 1x6) teen WHS Old Boys II.2 Wesley Anderson (WHS Old Boys II) 67 (46 b, 4x4, 4x6) tn Wanderers II.3 Ewald Steenkamp (Wanderers II) 65 (65 b, 3x4, 3x6) tn Tigers II.4 Colin Schoonbee (Wanderers Platteland) 64 (42 b, 6x4, 1x6) tn Vintage.5 André Siepker (United II) 58 (51 b, 6x4, 1x6) tn Platteland. 6 Björn Kotze (Wanderers II) 54 (34 b, 2x4, 5x6) tn United II.7 Riaan de Witt (Old Boys Vintage) 52 (36 b, 5x4, 2x6) tn Platteland.8 Henk van Zyl (Vintage) 51 (28 b, 4x4, 4x6) tn Platteland. 9 Wessel Myburgh (Wanderers II) 51 (43 b, 6x4, 1x6) tn Old Boys II.Saterdag se topboulers1 PD Blignaut (Wanderers Platteland) 3/17 in 4 boulbeurte tn Old Boys II.2 Gerhard Janse van Rensburg (United 2) 3/29 in 4 tn Platteland.2 Tiaan Gerber (Wanderers Platteland) 3/30 in 4 tn Old Boys II.3 Christo Greeff (WHS Old Boys Vintage) 3/32 in 3 tn Platteland.4 Jaco Coetzer (Wanderers Platteland) 3/33 in 4 tn Vintage.– tielman@republikein.com.na

8 0000 lopies vir Wanderers-yster

Kommentaar

Republikein 2025-12-18

Meld asseblief aan om kommentaar te lewer

8 0000 lopies vir Wanderers-yster

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.