77 leerlinge van dieselfde skool toets binne vier dae positief vir Covid-19

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het binne vier dae op 77 te staan bring. Die adjunkminister van gesondheid en maatskaplike dienste, dr. Esther Muinjangue het 33 nuwe gevalle vandag aangekondig. Dit sluit 20 mans en 13 vroue. Die jongste is twee jaar oud en die oudste 66 jaar uit.

Uit die 33 nuwe gevalle is nege in Oshakati, ses in Rundu, vyf in Okahandja, vier in Windhoek, twee in Walvisbaai en een elk in onderskeidelik Otjiwarongo, Outapi, Okahao, Onandjokwe, Engela, Rehoboth en Katima Mulilo aangeteken.

Volgens Muinjangue het nog vier mense herstel in Ohangwena herstel wat die totaal vir die land op 10 426 te staan bring. Die getal aktiewe gevalle staan tans op 1 769 waarvan vier baie ernstig of kritiek is. Dit sluit een baie ernstige en een kritieke geval in Erongo en een baie ernstige en een kritieke geval in Khomas in.

Die sterftesyfer bly op 33, tot op hede is 117 052 weefselmonsters getoets, 7 538 kontakte word gemonitor en tans is 1 070 mense in kwarantyngeriewe oraloor in die land.