72 uur-reël raak nie lorriedrywers

Ronelle Rademeyer - Reisigers wat Suid-Afrika besoek en na Namibië terugkeer binne sewe dae nadat hulle hier negatief getoets het vir Covid-19, hoef nie in Suid-Afrika weer ‘n PCR-toets te laat doen nie.Dit blyk uit die verduidelikende statute van die nuutste openbare gesondheidsregulasies vir Covid-19.Punt 12 (11) van die regulasies lui: “Mense wat uit Namibië vertrek met 'n negatiewe SARS-CoV-2 PCR-toetsuitslag en binne sewe dae vanaf die datum waarop die monster geneem is na Namibië terugkeer, mag nie by hul terugkeer met die toon van dié negatiewe toetsuitslag aan 'n SARS-CoV-2 PCR-toets onderwerp word nie, behalwe as hulle afkomstig is of deur 'n land gereis is wat deur die minister uitgewys is as 'n hoërisikoland vir Covid-19.”Langafstand-lorriedrywers het verlede week vir sowat 24 uur die pad na Suid-Afrika by die Ariamsvlei-grenspos geblokkeer om beswaar te maak teen die nuwe Covid-regulasies wat op 1 Augustus in werking getree het en bepaal wanneer mense Namibië binnekom, moet die negatiewe PCR-toets nie ouer as 72 uur wees nie. Die aftel begin wanneer die monster geneem word.Die implikasie daarvan op die vervoerbedryf was dat lorriedrywers wat in Namibië getoets is, weer in Suid-Afrika getoets moet word voordat hulle kan terugkeer. Met die toetse wat N$750 elk kos, sou dit vervoerders se uitgawes vir toetse verdubbel het.Mnr. Stephan Terblanche, uitvoerende hoof van FP du Toit Transport, het verduidelik dié groep bestee nagenoeg N$900 000 per maand aan PCR-toetse vir hul vragmotorbestuurders. “Ons het N$11 miljoen vir die jaar vir PCR-toetse begroot. En ons kon ‘n spesiale tarief beding.”Dit het eers later bekend uit die verduidelikende statute dat hulle onder punte 12 (11) daarvan uitgesluit is. -ronelle@republikein.com.na

72 uur-reël raak nie lorriedrywers

Kommentaar

Republikein 2026-05-05

Meld asseblief aan om kommentaar te lewer

72 uur-reël raak nie lorriedrywers

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.