63 sterftes, 467 nuwe gevalle

Die Covid-sterftesyfer styg met 63 tot 2 620. Die meeste sterftes was in die Rehoboth-distrik en wel 14, gevolg deur Oshakati-distrik met 13, Engela-distrik met agt, Outapi-distrik met sewe, Tsandi-, Windhoek- en Swakopmund-distrikte met drie elk, Rundu-, Tsumeb-, Otjiwarongo-, en Okakarara-distrikte met twee elk en Outjo-, Mariental-, Katima Mulilo- en Nyangana-distrikte met een elk. Onder die sterftes was 18 tuis waaronder al 13 sterftes in Oshakati. Sewe mense is met hul aankoms by gesondheidsgeriewe dood, waarvan ses van Rehoboth was. Twee swanger vroue wat nie ingeënt was nie, het ook gesterf. Twee van die gevalle het net een dosis van die entstof ontvang.
Gister is 467 nuwe gevalle aangemeld uit 12 streke, met Khomas wat die meeste gevalle (28%) het, gevolg deur Omusati met 21%. Die positiewe koers is 24%. Onder die nuwe gevalle is 67 leerlinge, vier onderwysers, sewe studente en 13 gesondheidswerkers. Uit al die gevalle het 23 (5%) een dosis entstof ontvang, waarvan twee ten volle ingeënt is.
Die aktiewe gevalle staan op 21 075 waarvan 565 in die hospitaal en 115 in die ICU is. Tot op hede is 138 521 mense teen Covid-19 ingeënt waarvan 37 516 reeds 'n tweede dosis ontvang het. Die herstelkoers is 79%.