56 sterftes, 277 gevalle

Die Covid-sterftes styg met 56 tot 2 927. Die meeste sterftes, 16, was in die Onandjokwe-distrik, gevolg deur die 12 in die Rundu-distrik. Die oorblywende distrikte het elk minder as tien sterftes aangeteken. Twaalf was tuissterftes waarvan tien in die Rundu-distrik was.Vier sterftes was tussen 15 tot 18 Julie, 47 tussen 19 tot 25 Julie en vyf op 26 Julie.
Gister is 277 nuwe gevalle, 'n positiewe koers van 24%, aangeteken. Oshana het die meeste en wel 42% van al die gevalle aangeteken. Onder die nuwe gevalle is 23 leerlinge, twee onderwysers, vier studente en agt gesondheidswerkers. Agt persone wat positief getoets het, is ingeënt waarvan twee reeds twee dosisse ontvang het.
Tans is daar 20 701 aktiewe gevalle waarvan 506 in die hospitaal en 79 in die ICU is.
Tot op hede is 154 350 mense ingeënt waarvan 46 344 twee dosisse ontvang het. Die herstelkoers staan op 80%.