52 sterftes, 1 286 nuwe gevalle

Gister is 52 sterftes aangekondig - Windhoek het die hoogste getal en wel 29, gevolg deur ses elk in onderskeidelik die Swakopmund (een tuissterfte)- en Rundu-distrikte, drie elk in onderskeidelik Okahandja (twee tuissterftes) en Walvisbaai , Rehoboth en Katima Mulilo twee elk, laasgenoemde was twee tuissterftes en een in Grootfontein. Slegs een van die sterftes was ingeënt.
Die sterftes was nie almal binne 24 uur nie, 26 is in Junie aangeteken en die res in Julie.
Gister is 1 286 nuwe gevalle aangeteken, 'n positiewe koers van 36%, met die hoogste getalle in Khomas en Erongo. Onder die gevalle is 235 leerlinge, 39 onderwysers, een student, 30 gesondheidswerkers, 11 gevangenes en 48 werknemers in die visbedryf. Uit die bevestigde gevalle het 14 een dosis entstof ontvang.
Tans is daar 22 783 aktiewe gevalle waarvan 559 in die hospitaal en 106 in die ICU is. Die herstelkoers staan op 75% en tot op hede is 125 970 mense teen Covid-19 ingeënt waarvan 26 937 hul tweede dosis ontvang het.