500 perde, R2,3 mjd. se bates vir Jooste se skuld

Nellie Brand-Jonker - Mayfair Holdings en sy volfiliaal Mayfair Speculators se bates word gelys in 'n reëlingsooreenkoms met skuldeisers teen Markus Jooste, die voormalige uitvoerende hoof van Steinhoff, wat die Wes-Kaapse hooggeregshof goedgekeur het.Mayfair Speculators word in 'n hofaansoek, wat deur Stefan Potgieter, Jooste se skoonseun, en enigste direkteur, gebring is, as 'n maatskappy wat “toesig hou oor en bedrywig is in perdeteel- en wedrenbedrywighede, op sy eie en deur filiaalmaatskappye” beskryf. Die maatskappy hou direk en indirek sowat 400 perde wat afgerig word of vir 'n stoetery aangehou word.Mayfair Speculators besit ook belange in Speculators France, 'n maatskappy wat in Europa perde koop en verkoop.Speculators France hou omtrent 100 perde.Mayfair Speculators besit ook 'n belang in Klawervlei Stud – wat 'n perdestoet bedryf.Die bates wat vir Mayfair Speculators gelys is, is van einde Maart toe skuldeisers die ooreenkoms goedgekeur het. Dit is nie bekend hoeveel van die perde intussen al verkoop is nie. Die hof het die reëlings om die skuld terug te betaal in die middel van April goedgekeur.Mayfair Speculators hou ook 'n belang in die maatskappy Cape Thoroughbred Sales, wat veilings vir volbloedperde hou, waaronder die belangrike jaarlikse Cape Premier Yearling Sale. Mayfair Speculators en Holdings se geregistreerde adres is Quantumstraat 15 in Technopark buite Stellenbosch.Jooste was tot 7 Desember ook 'n direkteur van die twee maatskappye maar het bedank 'n dag nadat hy as uitvoerende hoof van Steinhoff bedank het ná die maatskappy se aankondiging dat ongerymdhede in sy boeke ondersoek word en die ouditeure Deloitte nie sy jaarstate wil afteken nie.SpeculatorsSpeculators word as insolvent en in finansiële nood beskryf.Speculators se bates wat altesaam R351,5 miljoen beloop, sluit sowat R39,1 miljoen se kontant in asook leningsrekeninge teen Klawervlei Stud en Cape Thoroughbred Sales van altesaam R169,3 miljoen.Die bates van Mayfair Holdings, wat Speculators besit, word as altesaam R2 miljard deur Potgieter gewaardeer.– Netwerk24

500 perde, R2,3 mjd. se bates vir Jooste se skuld

Kommentaar

Republikein 2026-05-12

Meld asseblief aan om kommentaar te lewer

500 perde, R2,3 mjd. se bates vir Jooste se skuld

Kommentaar

Republikein 2026-05-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.