354 nuwe gevalle

Gister is 354 nuwe gevalle aangemeld, 'n positiewe koers van 21,6%. Dit sluit 56 herinfeksies, 28 leerlinge, 18 gesondheidswerkers en 12 onderwysers in. Die meeste gevalle en wel 223 is in Windhoek aangemeld. Die aktiewe gevalle staan op 3 706 waarvan 99 in die hospitaal en sewe in die ICU is. Tot op hede het 388 719 mense (25,9%) 'n eerste dosis entstof ontvang, terwyl 327 532 (21,8%) ten volle ingeënt is. In die ouderdomsgroep 12 tot 17 jaar het 235 kinders 'n eerste dosis Pfizer ontvang, terwyl 660 mense vir hul derde Sinopharm-dosis gegaan het.