32 sterftes, 187 nuwe gevalle

Die Covid-sterftesyfer styg met 32 tot 3 112. Die meeste was in Windhoek en wel sewe, gevolg deur Oshakati en Onandjokwe met ses sterftes elk. Gobabis het vier, Engela en Mariental drie elk en Rehoboth, Swakopmund en Katima Mulilo onderskeidelik een elk aangeteken Twee van die sterftes op Engela was tuis, terwyl 'n swanger vrou in Windhoek gesterf het.
Gister is 187 nuwe gevalle aangeteken, 'n positiewe koers van 17%. Die meeste was in Khomas (28%) gevolg deur Oshikoto met 24%. Onder die gevalle is 25 leerlinge, drie onderwysers, twee studente en twee gesondheidswerkers. Twee gevalle (1%) het twee dosisse van die entstof teen Covid ontvang.
Tans is daar 20 293 gevalle waarvan 371 in die hospitaal en 74 in die ICU is. Tot op hede het 167 885 mense een dosis entstof ontvang, terwyl 50 326 ten volle ingeënt is. Die herstelkoers staan op 80%.