30 sterftes, 571 nuwe gevalle

Die Covid-sterftesyfer staan op 2 270, nadat nog 30 sterftes in vier distrikte aangemeld is. Oshakati-distrik het die hoogste getal en wel 17, gevolg deur Windhoek met sewe, Gobabis-distrik met vyf en Swakopmund-distrik met een. Onder die sterfgevalle is 17 wat in Junie aangemeld is, nege was tussen 5 tot 11 Julie en net vyf was gister. Een tuissterfte is in Gobabis aangemeld. Nie een van die sterfgevalle was ingeënt nie.
Uit die 571 nuwe gevalle is 32% in Khomas, gevolg deur ||Kharas en Otjozondjupa met 15% elk aangeteken. Die nuwe gevalle sluit 32 leerlinge, vier onderwysers, ses studente en sewe gesondheidswerkers in. Uit al die gevalle het 17 (3%) een dosis entstof ontvang, terwyl vyf ten volle ingeënt is. Die positiewe koers is 24%.
Die aktiewe gevalle staan tans op 24 670 waarvan 532 in die hospitaal en 97 in die ICU is. Tot op hede is 133 863 mense ingeënt waarvan 32 735 twee dosisse ontvang het. Die herstelkoers staan op 75%