3 van Al-Sjabaab in Mosambiek in arres
Gerugte doen reeds lank die ronde dat Moslem-ekstremiste in Mosambiek bedrywig is, met drie lede van Al-Sjabaab wat nou in hegtenis geneem is.
Erika Gibson - Die inhegtenisneming van drie vermeende lede van die Islamitiese terreurgroep Al-Sjabaab in Mosambiek bevestig dat terreurgroepe nie net op Suid-Afrika se drumpel doenig is nie, maar waarskynlik reeds in Suid-Afrika ook is.
Prof. Hussein Solomon, 'n kenner van Islamitiese ekstremisme verbonde aan die Universiteit van die Vrystaat, sê die drie se inhegtenisneming in die noordelike Cabo Delgado-provinsie van Mosambiek strook met sy inligting dat terroriste opgelei word in dié afgeleë deel van die land.
Die drie Mosambiekers word daarvan beskuldig dat hulle deel is van 'n groep Moslems in die Macomia-distrik wat onder meer “disinformasie in die gemeenskap versprei”.
Volgens 'n bron in die Mosambiekse polisie stook die groep burgerlike weerstand teen die regering aan terwyl hulle die gemeenskap ook aanmoedig om hulle te bewapen. Die Keniaanse veiligheidsowerheid het glo hul eweknieë in Mosambiek van die groep se bedrywighede laat weet nadat lede van die groep ook in Kenia gearresteer is.
Dit kom nadat gerugte reeds maande lank die rondte in Mosambiek doen dat Moslem-ekstremiste in Cabo Delgado en Niassa, sowel as langs die Nacala-korridor in die Nampula-gebied, bedrywig is.
Volgens Solomon is daar groot dele van die noorde basies verwyderd van enige veiligheidsmaatreëls deur die Mosambiekse regering.
Solomon sê die arrestasies kom as geen verrassing nie, aangesien die Keniaanse veiligheidsmagte, tesame met die Verenigde Nasies se Amisom-mag in Somalië, met mening besig is om Al-Sjabaab uit dié omgewing te verwilder. Dit is logies dat hulle verder suidwaarts sal uitwyk.
“Dit is verblydend dat Kenia minstens sy intelligensieverslae met Mosambiek deel, maar 'n mens sal moet wag en sien of die Mosambiekse regering daadwerklik teen die groep sal optree.
“Laasgenoemde is berug daarvoor dat daar nie werklik die politieke wil of vermoë is om 'n veldtog teen die terreurgroepe te begin nie,” sê Solomon.
Luidens inligting uit Mosambiekse veiligheidsrisikoverslae wat aan Suid-Afrikaanse sakelui met belange in Mosambiek verskaf word, is die Al-Sjabaab-groeperings nou ineengevleg met georganiseerde misdaadsindikate wat by smokkelary oor die grens betrokke is.
Mosambiek se Moslem-raad het hom reeds by monde van sjeg Mzé Anssuat van dié radikales gedistansieer.
Volgens Armando Nenane, 'n Mosambiekse joernalis en regsgeleerde, is daar ernstige gebreke in die land se immigrasie-administrasie wat daartoe lei dat buitelanders met misdadige oogmerke, soos geldwassery om terreuraanvalle elders te finansier, Mosambiekse burgerskap bekom.
– Netwerk24
Prof. Hussein Solomon, 'n kenner van Islamitiese ekstremisme verbonde aan die Universiteit van die Vrystaat, sê die drie se inhegtenisneming in die noordelike Cabo Delgado-provinsie van Mosambiek strook met sy inligting dat terroriste opgelei word in dié afgeleë deel van die land.
Die drie Mosambiekers word daarvan beskuldig dat hulle deel is van 'n groep Moslems in die Macomia-distrik wat onder meer “disinformasie in die gemeenskap versprei”.
Volgens 'n bron in die Mosambiekse polisie stook die groep burgerlike weerstand teen die regering aan terwyl hulle die gemeenskap ook aanmoedig om hulle te bewapen. Die Keniaanse veiligheidsowerheid het glo hul eweknieë in Mosambiek van die groep se bedrywighede laat weet nadat lede van die groep ook in Kenia gearresteer is.
Dit kom nadat gerugte reeds maande lank die rondte in Mosambiek doen dat Moslem-ekstremiste in Cabo Delgado en Niassa, sowel as langs die Nacala-korridor in die Nampula-gebied, bedrywig is.
Volgens Solomon is daar groot dele van die noorde basies verwyderd van enige veiligheidsmaatreëls deur die Mosambiekse regering.
Solomon sê die arrestasies kom as geen verrassing nie, aangesien die Keniaanse veiligheidsmagte, tesame met die Verenigde Nasies se Amisom-mag in Somalië, met mening besig is om Al-Sjabaab uit dié omgewing te verwilder. Dit is logies dat hulle verder suidwaarts sal uitwyk.
“Dit is verblydend dat Kenia minstens sy intelligensieverslae met Mosambiek deel, maar 'n mens sal moet wag en sien of die Mosambiekse regering daadwerklik teen die groep sal optree.
“Laasgenoemde is berug daarvoor dat daar nie werklik die politieke wil of vermoë is om 'n veldtog teen die terreurgroepe te begin nie,” sê Solomon.
Luidens inligting uit Mosambiekse veiligheidsrisikoverslae wat aan Suid-Afrikaanse sakelui met belange in Mosambiek verskaf word, is die Al-Sjabaab-groeperings nou ineengevleg met georganiseerde misdaadsindikate wat by smokkelary oor die grens betrokke is.
Mosambiek se Moslem-raad het hom reeds by monde van sjeg Mzé Anssuat van dié radikales gedistansieer.
Volgens Armando Nenane, 'n Mosambiekse joernalis en regsgeleerde, is daar ernstige gebreke in die land se immigrasie-administrasie wat daartoe lei dat buitelanders met misdadige oogmerke, soos geldwassery om terreuraanvalle elders te finansier, Mosambiekse burgerskap bekom.
– Netwerk24
Kommentaar
Republikein
Geen kommentaar is op hierdie artikel gelaat nie