229 voertuie 'verdwyn' by gesondheidsministerie
Die ministerie het N$47 miljoen sonder toestemming van tesourie bestee.
Die ministerie van gesondheid en maatskaplike dienste kan nie rekenskap gee van ten minste 229 voertuie wat aan hom behoort nie, sê die ouditeur-generaal, mnr. Junias Kandjeke.
Volgens die hoofouditeur het die ministerie se uitvoerende direkteur, mnr. Ben Nangombe, aan beamptes van sy kantoor gesê die ministerie besit 1 876 voertuie.
Die meesterlys van alle voertuie wat aan die ministerie behoort, het egter aangedui die ministerie besit 1 647 voertuie wat op 'n verskil van 229 voertuie, dui wat nie verduidelik kan word nie.
“Die kwessie is in die vorige verslag geopper en geen verbetering is waargeneem nie,” sê Kandjeke in die 2019-'20-ouditverslag van die ministerie.
Die verslag is onlangs aan die Nasionale Vergadering (NV) vir ondersoek voorgelê en volgens die verslag het Nangombe die ministerie se mislukking om verantwoording vir die voertuie te doen, voor die deur van Covid-19 gelê.
“Hul rekenpligtige beampte (uitvoerende direkteur) het aangedui die ministerie het die teenstrydigheid opgemerk en beoog om 'n landswye verifiëringsproses te begin. Dié proses is egter gekortwiek deur die Covid-19-pandemie en is uitgestel totdat die situasie stabiliseer,” lui 'n gedeelte van die verslag.
Tydens die oudittydperk het die ministerie ook 75 motors ter waarde van N$4,6 miljoen afgeskryf.
Met verwysing na die Covid-19-verweer sê Kandjeke in die verslag die rekenpligtige beampte (Nangombe) die afgelope vyf jaar die verkeerde inligting verskaf rakende die aantal voertuie wat die ministerie besit.
“Die rekenpligtige beampte moet verseker die kwessie kry dringend aandag om die aantal voertuie in besit te korrigeer en ook die korrekte inligting vir ouditdoeleindes te verskaf,” het Kandjeke gesê.
Tydens die ouditproses het Kandjeke se beamptes ook opgetel die ministerie het N$47 miljoen sonder toestemming van die tesourie bestee. Dit is 'n direkte oortreding van die wet vir staatfinansies.
“Ek stel voor die rekenpligtige beampte moet die finansiële posisie van die ministerie op 'n voortgesette basis monitor en hersien vir beter finansiële beheer en om betyds gepaste optrede te neem om uitgawes wat nie goedgekeur is nie, te vermy,” het Kandjeke gesê. - Nampa
Volgens die hoofouditeur het die ministerie se uitvoerende direkteur, mnr. Ben Nangombe, aan beamptes van sy kantoor gesê die ministerie besit 1 876 voertuie.
Die meesterlys van alle voertuie wat aan die ministerie behoort, het egter aangedui die ministerie besit 1 647 voertuie wat op 'n verskil van 229 voertuie, dui wat nie verduidelik kan word nie.
“Die kwessie is in die vorige verslag geopper en geen verbetering is waargeneem nie,” sê Kandjeke in die 2019-'20-ouditverslag van die ministerie.
Die verslag is onlangs aan die Nasionale Vergadering (NV) vir ondersoek voorgelê en volgens die verslag het Nangombe die ministerie se mislukking om verantwoording vir die voertuie te doen, voor die deur van Covid-19 gelê.
“Hul rekenpligtige beampte (uitvoerende direkteur) het aangedui die ministerie het die teenstrydigheid opgemerk en beoog om 'n landswye verifiëringsproses te begin. Dié proses is egter gekortwiek deur die Covid-19-pandemie en is uitgestel totdat die situasie stabiliseer,” lui 'n gedeelte van die verslag.
Tydens die oudittydperk het die ministerie ook 75 motors ter waarde van N$4,6 miljoen afgeskryf.
Met verwysing na die Covid-19-verweer sê Kandjeke in die verslag die rekenpligtige beampte (Nangombe) die afgelope vyf jaar die verkeerde inligting verskaf rakende die aantal voertuie wat die ministerie besit.
“Die rekenpligtige beampte moet verseker die kwessie kry dringend aandag om die aantal voertuie in besit te korrigeer en ook die korrekte inligting vir ouditdoeleindes te verskaf,” het Kandjeke gesê.
Tydens die ouditproses het Kandjeke se beamptes ook opgetel die ministerie het N$47 miljoen sonder toestemming van die tesourie bestee. Dit is 'n direkte oortreding van die wet vir staatfinansies.
“Ek stel voor die rekenpligtige beampte moet die finansiële posisie van die ministerie op 'n voortgesette basis monitor en hersien vir beter finansiële beheer en om betyds gepaste optrede te neem om uitgawes wat nie goedgekeur is nie, te vermy,” het Kandjeke gesê. - Nampa
Kommentaar
Republikein
Geen kommentaar is op hierdie artikel gelaat nie