229 gesondheidswerkers het Covid-19

Die minister van gesondheid en maatskaplike dienste dr. Kalumbi Shangula sê 229 gesondheidswerkers het tot op hede positief vir Covid-19 getoets. Hiervan is 70% in openbare en 30% in private gesondheid. Die meeste is in die Khomas- en Erongostreek en wel onderskeidelik 151 (66%) en 47 (21%).Shangula het vandag ook 130 nuwe gevalle en een Covid-19-verwante sterfte aangekondig. Die sterfte is 'n 41-jarige man van Rundu met geen onderliggende mediese toestande nie. Dit bring die totale getal Covid-19-sterftes vir Namibië op 57 te staan. Uit die 130 nuwe gevalle is 67 mans en 63 vroue. Die jongste is drie jaar oud en die oudste 78 jaar oud. Die verspreiding is soos volg: Windhoek 62, Walvisbaai 32, Swakopmund 14, Usakos 4, Rehoboth 6, Mariental 1, Karasburg 2, Lüderitz 2, Keetmanshoop 1, Rundu 2, Okahao 1, Okahandja 1, Gobabis 1 en Outjo 1. Dit bring die totale gevalle vir die land op 6 160 te staan. Volgens Shangula het 169 mense herstel en wel 75 in Erongo, 58 in Otjizondjupa, 18 in Oshana, 7 in Omaheke, 5 in Zambezi, 4 in Hardap en een elk in onderskeidelik //Kharas en Kavango-Oos. Dit bring die totaal op 2 732 te staan.Namibië het huidig 3 371 aktiewe gevalle waarvan 5 ernstig siek en 11 kritiek is. In Erongo is 3 ernstig siek en 3 kritiek, terwyl 2 in Khomas ernstig siek en 11 kritiek is.Tot op hede is 53 387 weefselmonsters getoets en 1 339 mense is in kwarantyn in geriewe oraloor in die land.

229 gesondheidswerkers het Covid-19

Kommentaar

Republikein 2025-12-17

Meld asseblief aan om kommentaar te lewer

229 gesondheidswerkers het Covid-19

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.