218 nuwe gevalle, twee nuwe sterftes

Twee sterftes, een op Gobabis en een op Keetmanshoop, het die Covid-19-verwante sterftes tot 420 opgestoot. Uit die 218 nuwe gevalle is 98 leerlinge, vier studente, 14 onderwysers en 11 gesondheidswerkers.

Die aktiewe gevalle staan nou op 1 994 waarvan 163 in die hospitaal en 21 in die ICU is. Nog 226 mense het herstel wat die totaal op 36 220 en 'n herstelkoers van 94% te staan bring. Tot op hede is 301 479 weefselmonsters getoets, 4 011 kontakte word gemonitor en 2 121 mense is in kwarantyn.