21 spesies, 300 diere onder die hamer
Van die uitsoekwild op die naderende wildveiling wat tydens die Outjo Wildsfees gaan plaasvind, is bastergemsbokke, swartwitpense en witrenosters.
Ronelle Rademeyer - Hoewel die droogte koopkrag in die wildbedryf beïnvloed het, glo Dirk du Preez van Du Preez Wild by Otjiwarongo boere is steeds bereid om goeie pryse vir kwaliteit en die regte genetika te betaal.
Die Du Preez-familie, wat al drie geslagte lank in die wildbedryf is, bied op 29 April die wildveiling tydens die jaarlikse Outjo Wildsfees op die plaas Sophienhof aan.
Dirk (27), wat saam met sy pa, Jannie, Du Preez Wild bedryf, sê vanjaar se aanbod sal uit sowat 300 stuks wild van 21 verskillende spesies bestaan.
Du Preez Wild is in 1983 deur Dirk se legendariese ouma, Hannie du Preez, begin. Dit is die oudste wildvang-onderneming in die land.
Al die wild wat op dié katalogusveiling aangebied word, sal deur Du Preez Wild self gevang word. Die twee gasverkopers wat die veiling saam met hulle aanbied, is Schönfeld Farming en MMM Game Breeders.
Drie helikopers sal gebruik word om met die vangste te begin sodra die veiling afgehandel is. Jannie sal vir die vlieg- en vangwerk verantwoordelik wees. Hy sal deur 'n gesoute span op die grond, onder wie 'n veearts, bygestaan word. Vyf lorries sal ingespan word om die wild na die kopers te neem.
Volgens Dirk word groot sorg aan die dag gelê om seker te maak die diere word aan so min moontlik stres onderwerp.
Buiten die normale vlaktewild, kan kopers uitsien na bastergemsbokke uit die kudde van 'n 31 duim-bul. Swartwitpense en witrenosters sal ook opgeveil word.
Du Preez Wild waarborg kopers dat die wild binne drie maande afgelewer sal word. “Verder betaal kopers ook net vir dit wat afgelewer word. Dit beteken dat sou 'n dier ná die veiling om een of ander rede vrek, dit nie die koper se verlies is nie,” sê Dirk.
Verlede jaar het sowat 60 kopers hulle vir hierdie veiling geregistreer. Vanjaar hoop Du Preez Wild om 80 kopers daar te hê.
“Duisende mense word by die fees verwag. Daarom sal hierdie veiling goeie blootstelling vir die kopers bied,” sê hy.
“Wildboere was tydens die droogte genoodsaak om hul kuddes te verklein. Baie diere het ook gevrek. Dit beteken hulle moet nou weer aankoop om hul kuddes te versterk en daarom verwag ons groot belangstelling in dié veiling.”
Hy sê veilingtendense wys boere is steeds bereid om vir diere met goeie genetika te betaal. “Kwaliteitdiere behaal nog goeie pryse.”
Volgens Dirk is hierdie veiling ook 'n uitstekende geleentheid vir boere om aangepaste wild te koop. “Wanneer wildboere diere in Suid-Afrika koop, sukkel die diere soms om aan te pas in ons tipe veldtoestande. Dit kan voortplanting beïnvloed.”
Kopers kan vanaf 08:00 op 29 April registreer, waarna die veiling om 12:00 sal begin. Die katalogus is beskikbaar by www.dupreezwild.com.na.
Die Du Preez-familie, wat al drie geslagte lank in die wildbedryf is, bied op 29 April die wildveiling tydens die jaarlikse Outjo Wildsfees op die plaas Sophienhof aan.
Dirk (27), wat saam met sy pa, Jannie, Du Preez Wild bedryf, sê vanjaar se aanbod sal uit sowat 300 stuks wild van 21 verskillende spesies bestaan.
Du Preez Wild is in 1983 deur Dirk se legendariese ouma, Hannie du Preez, begin. Dit is die oudste wildvang-onderneming in die land.
Al die wild wat op dié katalogusveiling aangebied word, sal deur Du Preez Wild self gevang word. Die twee gasverkopers wat die veiling saam met hulle aanbied, is Schönfeld Farming en MMM Game Breeders.
Drie helikopers sal gebruik word om met die vangste te begin sodra die veiling afgehandel is. Jannie sal vir die vlieg- en vangwerk verantwoordelik wees. Hy sal deur 'n gesoute span op die grond, onder wie 'n veearts, bygestaan word. Vyf lorries sal ingespan word om die wild na die kopers te neem.
Volgens Dirk word groot sorg aan die dag gelê om seker te maak die diere word aan so min moontlik stres onderwerp.
Buiten die normale vlaktewild, kan kopers uitsien na bastergemsbokke uit die kudde van 'n 31 duim-bul. Swartwitpense en witrenosters sal ook opgeveil word.
Du Preez Wild waarborg kopers dat die wild binne drie maande afgelewer sal word. “Verder betaal kopers ook net vir dit wat afgelewer word. Dit beteken dat sou 'n dier ná die veiling om een of ander rede vrek, dit nie die koper se verlies is nie,” sê Dirk.
Verlede jaar het sowat 60 kopers hulle vir hierdie veiling geregistreer. Vanjaar hoop Du Preez Wild om 80 kopers daar te hê.
“Duisende mense word by die fees verwag. Daarom sal hierdie veiling goeie blootstelling vir die kopers bied,” sê hy.
“Wildboere was tydens die droogte genoodsaak om hul kuddes te verklein. Baie diere het ook gevrek. Dit beteken hulle moet nou weer aankoop om hul kuddes te versterk en daarom verwag ons groot belangstelling in dié veiling.”
Hy sê veilingtendense wys boere is steeds bereid om vir diere met goeie genetika te betaal. “Kwaliteitdiere behaal nog goeie pryse.”
Volgens Dirk is hierdie veiling ook 'n uitstekende geleentheid vir boere om aangepaste wild te koop. “Wanneer wildboere diere in Suid-Afrika koop, sukkel die diere soms om aan te pas in ons tipe veldtoestande. Dit kan voortplanting beïnvloed.”
Kopers kan vanaf 08:00 op 29 April registreer, waarna die veiling om 12:00 sal begin. Die katalogus is beskikbaar by www.dupreezwild.com.na.
Kommentaar
Republikein
Geen kommentaar is op hierdie artikel gelaat nie