20

Maandag 16 Maart 1998• Twee padboukontrakte met 'n gesamentlike waarde van meer as N$165 miljoen en wat beskou kan word as die begin van 'n oorhoofse projek om die voormalige Ovambo en Angola met die Caprivi en Zambië te verbind, is in Windhoek toegeken.• 'n Onbekende parasiet in die Namibiese pelagiese gebiedswaters wat skadeloos is vir die mens maar aansienlike chaos in visproduksie kan veroorsaak, het in die afgelope maande sy sporadiese opwagting onder verskeie visspesies gemaak.• Namibiërs moet hulle voorberei op 'n vernietigende eenpartystaat indien drastiese veranderinge nie op politieke gebied plaasvind nie. Dinsdag 17 Maart 1998 • Die bystand van 'n Suid-Afrikaanse tegniese span en die internasionale bemiddelaarsbeeld van pres. Nelson Mandela is 'n laaste Namibiese troefkaart om die vloedvlakte-geskil met Botswana op te los. • ”Die volstruisbedryf in Namibië is wat my betref iets van die verlede. Die internasionale mark vir volstruisvelle het tot sy laagste punt ooit in die geskiedenis gedaal en sal myns insiens nie binne die volgende 18 tot 24 maande tot 'n aanvaarbare vlak herstel nie.” (mnr. Uli Nieberle, Western Trading Corporation)• Sowat dertig leerlinge van 'n privaatskool buite Windhoek het gister bykans vyftig kilometer na die stad gestap in 'n poging om hul stemme oor beweerde ongerymdhede by die skool te laat hoor. Woensdag 18 Maart 1998• Een van die gewapende rowers wat betrokke was by die diefstal van meer as N$1 miljoen vroeg in Desember verlede jaar op Oshikango by die Continental No. 4-winkel, van mnr. Frans Indongo, is uitgeken as die man wat eergister deur die polisie in Windhoek by Lovers Hill doodgeskiet is. Donderdag 19 Maart 1998• Namibië staan as 'n sentrale figuur in 'n inisiatief vir die vestiging van die grootste ekonomiese magsblok in die ontwikkelende wêreld met die beplanning van 'n reuse-sensus vir alle lidlande van die Suid-Afrikaanse Ontwikkelingsgemeenskap in die jaar 2001.• 'n Groep potensiële beleggers uit Duitsland en Amerika het gister hul rug op Namibië en 'n beplande ontwikkelingsprojek van sowat N$196 miljoen gekeer weens wat bestempel is as die land en sy regering se “onvriendelikheid jeens beleggers”. Vrydag 20 Maart 1998• Waterskaarste is 'n internasionale probleem en die toestand in Namibië hou net soos elders 'n ernstige bedreiging vir maatskaplike en ekonomiese ontwikkeling, menslike gesondheid, wêreldvoedselsekerheid en die omgewing in. • Namibië se agtste jaar van onafhanklikheid is Saterdag met 'n kleurvolle verjaardagpartytjie in Windhoek gevier.• President Sam Nujoma se baadjie en das is vir nagenoeg N$30 000 opgeveil tydens Expo '98 se fondsinsamelingsbanket.

20

Kommentaar

Republikein 2025-06-18

Meld asseblief aan om kommentaar te lewer

20

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie