2018: Die jaar van rekenskap?

Anoniem skryf:Die president het baie onlangs verklaar 2018 sal die jaar van rekenskap wees en die publiek vra dadelik, word dit nie elke jaar gesê nie?Die president roskam die ministers en die eerste minister roskam die permanente sekretarisse. Wie roskam die die adjunkministers wat ledig in hulle kantore sit en hulself verveel, want hulle het geen werk nie?Elke jaar hoor ons dieselfde storie en niks in die staatsdiens verbeter nie. Die Engelse spreekwoord sê: "Put your money where your mouth is."Deesdae is dit uiters gewaagd om 'n publieke stelling te maak en dit word nie uitgevoer nie. Namibië en sy mense hou die president fyn dop en kyk of hy sy woorde gaan gestand doen.Daar loop gerugte dat beide ministers Ekandjo en Ithana gevra is om self te bedank of hulle word afgedank. Net die president kan dit doen en dit is nadat hulle beide hom teengestaan het tydens die onlangse Swapo-kongres.Eers het die predisent self gesê dit is demokrasie om 'n verskil te maak, maar nou is hulle gemerk om ge-"fire" te word. So verskillende denkrigtings binne Swapo is in werklikheid dus nie demokrasie nie, maar wel felle kritiek, en ons het reeds die afgelope 27 jaar gesien dat Swapo nie van kritiek hou nie.Diepresident moet 'n bietjie wyer kyk as net bogenoemde twee ministers. Wat van byvoorbeeld die swak administrasie van TransNamib, die RCC en NAC? In al hierdie gevalle is die minister van werke en vervoer die oorhoofse minister en moet hy ook die trekpas kry, so ook sy permanente sekretaris wat reeds bewys het hy is nie opgewasse om as rekenpligtige beampte te dien nie.Kom ons kyk na die minister van gesondheid. Wat 'n totale chaos was sy rekord nie gedurende 2017 nie. Beide die minister en sy permanente sekretaris moet die trekpas kry.Die onderstrominge tussen die twee here het daartoe gelei dat die permanente sekretaris net verplaas is. In enige gesonde besigheid of korporatiewe sake-onderneming verplaas jy nie 'n probleem nie, jy raak daarvan ontslae.Die ministerie van omgewingsake en toerisme het net so 'n swak rekord. Die toestande in Etosha is swak en dienslewering deur NWR is nie beter nie. Wat die minister werklik doen, weet nugter.Die onwettige jag van renosters in Etosha moet teen hom gehou word. Natuurbewaring was 'n totale mislukking in Etosha.Die ministerie van binnelandse sake het self 'n swak rekord. Eers het dit goed gegaan met aansoeke om paspoorte en ID’s, maar nou het nuwe regulasies by ons lughawens en grensposte al die goeie dinge in chaos gedompel.Enige nuwe regulasie moet eers behoorlik getoets word voor dit in die praktyk toegepas word. So daardie minister moet ook maar gaan rus.Die ministerie van seevissery en mariene hulpbronne het ook 'n groot probleem. Geen behoorlike kontroles is op viskwotas toegepas nie en nou is die sardynbronne heeltemal uitgeput. Dit is 'n groot skade vir Namibië en daardie minister behoort ook te groet. So kan die lys verder verleng word en moet die prestasies van die ministers van inligting en kommunikasietegnologie, asook landbou, water en bosbou ook behoorlik getoets word.Ná 27 jaar kan die regering nie meer met droë hout sit nie. Daar is winde van verandering in Afrika en onlangs is gesien hoe vinnig sake in Zimbabwe verander het. Niemand sou ooit kon raai dat Mugabe op pensioen gedwing kan word nie. Selfs in Angola is die sweep geklap en het die deure vir die Dos Santos-familie toegeklap.Die massa is moeg vir diktatorskap, selfverryking en korrupsie en as ons eie leiers dit nie raaksien nie, dan sal hulle vinnig moet bykom. Hierdie onlangse gebeure op ons voorstoep kan hier ook gebeur.Volgende is waarskynlik Suid-Afrika en Zuma behoort snags glad nie goed te slaap nie. Tye het verander en so ook die denkrigting van die massas.So, meneer die preident, alle oë is op jou gerig in 2018 en jy sal fyn dopgehou word of jy gaan maak soos jy aangekondig het."It's payback time and put your money where your mouth is."

2018: Die jaar van rekenskap?

Kommentaar

Republikein 2025-05-16

Meld asseblief aan om kommentaar te lewer

2018: Die jaar van rekenskap?

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie