20 sterf in DRK in protes teen Kabila

Altesame 20 burgerlikes het volgens die Verenigde Nasies (VN) in botsings met veiligheidsmagte in Kinshasa omgekom.Dié inligting is “baie betroubaar”, het José Maria Aranaz, die VN se direkteur vir menseregte vir die Demokratiese Republiek van Kongo, gesê.Die mense is doodgeskiet toe verskeie betogers Dinsdag in die strate van Kinshasa, die hoofstad, byeengekom het om te eis dat pres. Joseph Kabila uittree. Sy mandaat het Dinsdag om middernag verstryk en geen verkiesing is gehou om sy opvolger te bepaal nie.Die opposisieleier, Étienne Tshisekedi, het ’n beroep op die burgers van die DRK gedoen om Kabila vreedsaam teen te staan. ’n Verbod op betogings heers.Geweervuur het in verskeie dele van Kinshasa, waar 12 miljoen mense woon, weerklink.VN-vredesmaglede in gepantserde troepedraers het die strate gepatrolleer. Op een plek het ’n skare vir hulle geskree: “Kabila, jy weet jou mandaat is verby!”Kabila is aan bewind sedert sy pa, Laurent, in 2001 deur ’n sluipmoordenaar om die lewe gebring is.In Pretoria en Kaapstad het die polisie met rubberkoeëls op betogers teen Kabila losgebrand. Verskeie betogers is Dinsdag in hegtenis geneem. ’n Groep van sowat 100 mense, meestal Kongolese wat in Suid-Afrika woon en werk, het buite die DRK-ambassade in Pretoria saamgedrom en daarop aangedring dat Kabila sy amp ontruim.Intussen het die DRK se ambassadeur in Suid-Afrika, mnr. Bene M'Poko, gesê die ambassade in Pretoria sal tot 4 Januarie gesluit wees, want hy vrees vir sy eie veiligheid en dié van sy personeel. "Hulle wil die ambassade aan die brand steek en ons doodmaak." Netwerk24

20 sterf in DRK in protes teen Kabila

Kommentaar

Republikein 2026-09-18

Meld asseblief aan om kommentaar te lewer

20 sterf in DRK in protes teen Kabila

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.