20 kg kabeljou by Horingbaai gevang

Kristien Kruger – Die visvanguitstappie van mnr. Jaco-Martin Venter het vir groot opwinding gesorg toe hy ’n 20 kg kabeljou naby Hentiesbaai uit die water getrek het.Venter en sy vrou, Zani, het op 28 Desember van St. Nowhere tot by Myl 108 visgevang, toe Zani voorstel hulle gaan kyk of die vis by Horingbaai byt.Toe die paartjie so drieuur se kant by Horingbaai aankom, het hulle toevallig hul ouers, familie en vriende daar gekry.“My man sê toe hy gaan nie tussen almal indruk nie en loop sowat 20 m verder tot die punt van Baklei Gat. Hy en sy beste vriend, Dolf Burden, gaan maak toe ’n gooitjie daar, soos hulle dit noem,” het sy aan Republikein vertel.Terwyl Jaco-Martin en Burden teen die viswaters staan, het ’n oom hulle kom vra waarom hulle daar staan, want die mense het glo nog heeldag niks gevang nie.Volgens Zani het Jaco-Martin ’n stukkie sardyn met “float” aan sy stok gehad. Hy het dit glo uitgetrek en was te lui om dit te vervang en gooi toe weer die ou verweerde stukkie aas terug in die water.“Hy besluit toe om sy stok uit te trek, want hy't gevoel daar’s ietsie aan. Daai tyd toe trek die vis. Ek het gedink dit is ’n haai! Dit het hom sommer dadelik twee treë vorentoe getrek. “Nes Namibiërs is, het almal nader gehardloop en raad begin gee – staan bietjie agtertoe, ensovoorts.“Ná so tien minute kry hy die vis in die vlak waters en het twee mans gehardloop om die vis vir hom te gryp en te bring vir ’n foto,” vertel Zani.Jaco-Martin het besluit om die enorme vis terug te gooi.“Ons glo jy vang dan dubbel soveel vis om te eet, want daai was beslis ’n broeivis,” sê sy.'n Skare mense het saamgedrom om die vis te bekyk.Volgens haar was Jaco-Martin se woorde nadat hy die vis teruggeplaas het: “Lovey, ons kan maar huistoe gaan, my vakansie is gemaak."– kristien@republikein.com.na

20 kg kabeljou by Horingbaai gevang

Kommentaar

Republikein 2025-05-02

Meld asseblief aan om kommentaar te lewer

20 kg kabeljou by Horingbaai gevang

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie