20 jaar gelede

Maandag 1 Julie• “Ons sal jou ‘tyre’ en jou vrou se winkel afbrand,” was een van die doodsdreigemente wat die stadsklerk van Tsumeb, mnr. Ockert Britz, en sy vrou verlede week gekry het. Dit kom van ? groep opstokers wat verantwoordelik was vir die moles op die dorp toe die munisipale kantore verniel en van die amptenare rondgepluk is.• ? Hakskeen met ? paar vore wat deur ? haai se tande gelaat is, is al wat ? jong branderplankryer van Swakopmund, mnr. Gruber, oorgehou het na ? nagmerrie-ondervinding met ? bronshaai verlede week.Dinsdag 2 Julie• ? Vlaag gerugte oor een van die sieklikste onderwerpe denkbaar, die doelbewuste verspreiding van die vigsvirus deur besmette bloed met ? spuitnaald in vars lemoene te pomp, is besig om in felheid toe te neem en versprei soos ? veldbrand.• Swawek het gister sy amptelike naamsverandering tydens ? onthullingsplegtigheid deur die president van Namibië, mnr. Sam Nujoma, ondergaan en sal voortaan as NamPower bekend staan.Woensdag 3 Julie• Die permitstelsel van Natuurbewaring sal moet verander omdat die boere wat in die verlede goeie weidingsbestuur toegepas het, se grond nou verniel word deur die troppe hartebeeste wat hul plase toesak omdat die buurplase nie meer voldoende weiding het nie.• Die wenner van die NamPower-embleemkompetisie is ? man van Katutura, mnr. Joshua Kaukungwa, wat prysgeld van N$5 000 losgeslaan het.Donderdag 4 Julie• Die regering het ? spesiale skema aangekondig waardeur die meer as 30 000 vigsslagoffers in Namibië en hul naasbestaandes voortaan ? maandelikse maatskaplike toelaag gelykstaande aan ouderdoms- en ander pensioene gaan kry.• Namibië se atletiekblits, Frankie Fredericks, het gisteraand in ? internasionale atletiekbyeenkoms in Lausanne, Switserland, die 100 m in ? skitterende tyd van 9.86 sekonde gewen.Vrydag 5 Julie• Namibiërs het van vandag tot 23 Augustus elke weeksdag die geleentheid om teen N$1,50, die prys van ? enkele eksemplaar van Republikein, ? drieslaapkamerhuis op Uis te wen.• ? Inrigting in Windhoek van bykans N$33 miljoen vir kriminele sielsiekes gaan Namibië vir die eerste keer sedert onafhanklikwording van Suid-Afrika vir die behandeling en versorging van forensiese psigiatriese pasiënte onafhanklik maak.Sondag 7 Julie• Beweringe van verliese van tot N$100 000 per dag deur die onderskeie visverwerkingsfabrieke op Walvisbaai gaan die bedryf waarskynlik in die aanstaande dae vir dieselfde tipe bystand as boere in die droogtegeteisterde binneland laat vra. Daar word reeds van ? “droogte op see” gepraat.• Roemenië is volgens mnr. Hampie Plichta ? uitstekende voorbeeld van ? ontwikkelende land wat sy spoornetwerk opknap en uitbrei.

20 jaar gelede

Kommentaar

Republikein 2025-07-02

Meld asseblief aan om kommentaar te lewer

20 jaar gelede

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie