20 Jaar Gelede

Maandag 21 September 1998• Namibië het gister sanksie-dreigemente oor lande wat in die konflik in die Demokratiese Republiek van Kongo (DRK) betrokke is, verontagsaam en verklaar dat hy ook gereed is om magte van Oeganda en Rwanda saam met hul Europese bondgenote in die Groot Mere-gebiede op militêre gebied te beveg.• Drukgroepe wat gekant is teen 'n vryemark-ekonomie kan die huidige ekonomiese krisis in Namibië gebruik en die regering onder druk plaas om stappe te neem wat dié land in die langtermyn kan kelder. Dinsdag 22 September 1998• Die lot van pensioenarisse het gister voor die Parlementêre Komitee vir menslike Hulpbronne onder die loep gekom.• Geweld het gister by die huis van 'n bekende politieke figuur op Omaruru losgebars tydens 'n betoging deur hoërskoolkinders en 'n staking deur die 600 leerlinge van die Senior Sekondêre Skool S.I. Gobs op die dorp.• Ongekende belangstelling is in Namibië ondervind vir die TV-uitsending van president Bill Clinton van Amerika se getuienis voor 'n jurie oor sy verhouding met Mej. Monica Lewinsky. Woensdag 3 Oktober 1998• Namibië se betrokkenheid in die Demokratiese Republiek van Kongo (DRK) is gister vir die eerste keer in die Nasionale Vergadering (NV) opgerakel.• Die krisis waarin die Namibiese dollar gedompel is, het die Minister van Finansies, mnr. Nangolo Mbumba, gister genoop om 'n algehele beroep vir fiskale beheer in die plaaslike ekonomie te doen.• Die eerste stap na 'n kleiner staatsdiens word vandeesweek ingevolge die MWTC 2000-projek met die totstandkoming van die Namibian Airports Company verwesenlik. Donderdag 4 Oktober 1998• Amerika en die Europese Unie het Namibië se betrokkenheid in die DRK onder oë geneem en kritiek uitgespreek wat kan lei tot 'n afkoeling in die betrekkinge tussen dié super-moondheid, die belangrike ekonomiese groepering en Afrika se “liefling-demokrasie”.• 'n Sinlose daad (“stupid move”) wat uiteindelik afgewater is tot “nie slim nie” was gister in die Nasionale Vergadering (NV) die kern van bespreking oor Namibië se voortgesette betrokkenheid in die DRK.• Die herbouing van die Okaukuejo-restaurant in die Etosha-wildtuin vorder goed en dié eetplek sal na verwagting in Desember besoekers bedien. Vrydag 5 Oktober 1998• Aanvalle deur jagluiperds en leeuwelpies op weerlose kinders tydens besoeke aan die Harnas-wildplaas, een van Namibië se bekendste toeriste-aantreklikhede, het kommerwekkende afmetings begin aanneem.• Die grootste onwettige diamantvonds in die geskiedenis van Namibië het gistermiddag in die polisie se skepnet beland toe beslag gelê is op sowat 27 kilogram wat na bewering in die besit van 'n buitelandse vrou was.

20 Jaar Gelede

Kommentaar

Republikein 2025-09-19

Meld asseblief aan om kommentaar te lewer

20 Jaar Gelede

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie