20 jaar gelede

Maandag 4 Junie 2001- In die grootste militêre tragedie sedert Namibië se onafhanklikheid is 16 lede van die Polisie se Spesiale Veldmag in ’n vragmotorongeluk in Kavango dood.- Boodskappe van meegevoel en huldeblyke het die naweek oor partypolitieke grense ingestroom ná die dood Donderdagnag van dr. Ben Africa – veteraan-politikus van die DTA, medeskrywer van die Namibiese Grondwet en lid van die eerste Nasionale Vergadering (NV) tussen 1990 en 1994.- Malariagevalle, wat vroeër vanjaar in die noorde van Namibië epidemiese afmetinge aangeneem het, het in nog dele van die land drasties toegeneem, terwyl dorpe soos Grootfontein ’n noemenswaardige afname beleef het.Dinsdag 5 Junie 2001- Gerugte dat die Namibiese Grondwet opnuut gewysig gaan word om ’n vierde ampstermyn vir pres. Sam Nujoma moontlik te maak, het ook in Duitsland opspraak gewek.- Altesame 120 voormalige soldate van die Namibiese Weermag (NDF) word deur die polisie gesoek om getuienis te lewer in ’n bedrog-en-diefstalsaak waarby N$1,4 miljoen betrokke is en in verband waarmee 32 verdagtes in hegtenis geneem is.- Ontsoute seewater teen ’n prys het Swakopmunders getref nog lank voordat die eerste druppel uit die omstrede aanleg gevloei het.Woensdag 6 Junie 2001- De Beers, die internasionale diamantreus met beleggings van multi-miljarde dollars in die Namibiese ekonomie, is hier om te bly.- Namibiërs wie se rybewyse in die ou Suid-Afrikaanse identiteitsboeke is, sal nie deur die nuwe padverkeer- en vervoerregulasies geraak word nie.- Sedert die Aardeberaad in Rio de Janeiro in 1992 het Namibië baie van die doelstellings bereik wat die wêreldgemeenskap daar gestel het.Donderdag 7 Junie 2001- Namibië is in ’n onsekere posisie oor die gebruik van riviere wat hy met sy buurlande deel weens die land se geringe bydrae tot die watervloei van die riviere.- Dissipline in die NDF was gister onder verdenking toe ’n voormalige lid weens moord in die Windhoekse Hoërhof tot effektiewe tronkstraf van twintig jaar gevonnis is.- Kommer oor die geldigheid van testamente in ander landstale behalwe Engels is besweer met ’n versekering deur die Windhoekse Hooggeregshof dat Namibiese wetgewing nie eksklusiewe voorkeure stel nie.Vrydag 8 Junie 2001- Die instroming van plakkers na Windhoek bring mee dat die inwonertal jaarliks met 5,4 persent styg.- In die sterkste sein nog aan moordenaars in ’n onafhanklike Namibië is regsboeke gister herskryf toe die twee “slagters” van die bejaarde Grummet-egpaar van Lüderitz gesamentlik tot 150 jaar tronkstraf gevonnis is.- Telecom se drastiese tariefverhogings gaan Namibië se landbousektor ’n bykomende N$15 miljoen per jaar kos en die land se mededingingsvermoë internasionaal aansienlike skade berokken.

20 jaar gelede

Kommentaar

Republikein 2026-05-04

Meld asseblief aan om kommentaar te lewer

20 jaar gelede

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.