20 jaar gelede

Maandag 22 Oktober 2001- In die mees omvattende en dodelike koverte optrede sedert sy totstandkoming in 1947, is die Amerikaanse Sentrale Intelligensiediens (CIA) deur pres. George W. Bush opdrag gegee om Osama Bin Laden en sy wêreldwye al Qaeda terroristenetwerk uit te wis.- Die stryd om te verhoed dat ’n deel van die geskiedenis en karakter van Swakopmund in ’n asdrom beland met die hernoeming van strate, het verder versuur met die bestuurskomitee van die stadsraad wat aangedui het dat nie verder gepraat gaan word nie en sakelui wat gevolglik op ’n openbare vergadering besluit het.Dinsdag 23 Oktober 2001- Die uitstap van die Demokratiese Republiek van Kongo (DRK) se regeringsafvaardiging in Addis Abeba die naweek tydens die inter-Kongolese Dialoog word nie deur Namibië in ’n ernstige lig beskou nie.- Namibiese infrastruktuur was die teiken van ’n terreurbende wie se handewerk gister tot die vernietiging van ’n elektriese substasie by Mpasi in Wes-Kavango gelei het.- Die Taliban-bewind in Afganistan het gister dele van ’n vliegtuig vertoon wat hulle beweer van ’n Amerikaanse militêre helikopter is wat oor die naweek afgeskiet is.Woensdag 24 Oktober 2001- Inwoners van Wes-Kavango is opnuut deur die sabotasie van infrastruktuur deur Unita-rebelle getref.- Air Namibia se Boeing 737, die Ondekaremba, het Maandagaand vir die tweede keer in enkele weke kort ná opstyging teruggedraai.- Amerika soek ’n nuwe perseel in Windhoek om ’n ambassadegebou op te rig omdat die huidige een nie aan veiligheidsvereistes voldoen nie.- Die voorstel om tolhekke langs Namibiese paaie op te rig, is onlangs in die Nasionale Vergadering (NV) deur mnr. Moses Amweelo, Minister van Werke, Vervoer en Kommunikasie, verwerp.Donderdag 25 Oktober 2001- Die begrotingstekort het sedert die hoofbegroting in Maart van net meer as N$1 miljard tot N$1,472 miljard gestyg – ’n toename van ’n geskatte 3,6 persent tot 5,3 persent van die Bruto Binnelandse Produk (BBP).- In ’n buitengewone stap het die Namibiese Weermag (NDF) ’n dissiplinêre verhoor gelas teen sy lede wat verantwoordelik was vir die bewaking van die elektrisiteitsubstasie op Mpasi in Wes-Kavango wat Maandagoggend verwoes is nadat Unita-rebelle landmyne om dit geplant het.Vrydag 26 Oktober 2001- Tronkbewaarders van die Windhoekse Sentraal-Gevangenis is in die beskuldigdebank deurdat ses aangehoudenes hulle van hardhandige en gewelddadige optrede beskuldig.- Die NDF se ontmyningsveldtog gaan binnekort ’n hupstoot kry wanneer Suid-Afrika toerusting vir dié doel beskikbaar stel.- Die Regering ondervind ernstige probleme met Barden International se naverkopediens aan staatsvoertuie.- Die kanse dat Osama bin Laden, hoofverdagte in die terreuraanvalle verlede maand in Amerika, sy dag in die hof sal kry, lyk skraal.

20 jaar gelede

Kommentaar

Republikein 2025-09-18

Meld asseblief aan om kommentaar te lewer

20 jaar gelede

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie