20 jaar gelede

Maandag 22 November 1999• Tasbare bewyse van hoe Swapo die regeringsmasjiene en bronne gebruik om sy verkiesingsveldtog mee te bedryf, het aan die lig gekom toe 'n ministerie ingespan is om inwoners van Tsumkwe na 'n vergadering te lok onder die voorwendsel dat Swapo hulle probleme sal oplos.• Namibië het wêreldroem verwerf vir sy optrede teen vissersbote wat die land se gebiedswater skend.Dinsdag 23 November 1999• Die lang vertragings van verhore en die feit dat die spoedige en doeltreffende afhandeling van strafsake dikwels nie in ooreenstemming is met die voorskrifte van die grondwet nie, moet nie voor die deur van private regspraktisyns gelê word nie.• Ondanks heftige besware deur al die politieke partye teen die oprigting van 'n sentrum ten bedrae van N$4 miljoen waar verkiesingsuitslae verwerk gaan word, gaan die projek voort.Woensdag 24 November 1999• Regeringspogings om Sondag in 'n gewone werkdag te omskep, kan op 'n konfrontasie met die Mynwerkersunie van Namibië (MUN) en die Raad van Kerke in Namibië (CCN) afstuur.• 'n Liefdesteleurstelling tussen twee polisiebeamptes op Tsumeb het gisteroggend by die TCL-woonstelle noodlottige gevolge gehad deurdat 'n vrouekonstabel haar minnaar na bewering op kort afstand met 'n 9 mm-dienspistool doodgeskiet het.• Inwoners van die Karasstreek is besig om moed te verloor oor die beloftes van 'n beter toekoms en gevolglik moet 'n gesamentlike visie oor die rol van die Streekontwikkeling-koördinerende komitee (RDCC) aangemoedig word.Donderdag 25 November 1999• Die regering en korttermyn-versekeraars stuur in die Hoërhof af op 'n grondwetlike botsing oor verpligte betalings aan die staatsherversekeringskorporasie.• Verskeie ernstige voorvalle van intimidasie is in die pylvak van die Namibiese algemene en presidentsverkiesings deur die Nasionale Vereniging vir Menseregte aan die lig gebring.• Die Namibiese Regering het nog geen reaksie op sy versoek aan Suid-Afrika gekry oor die moontlikheid van insae tot sekere dokumente in die hofsaak teen die sogenaamde gifdokter, Wouter Basson, nie.Vrydag 26 November 1999• Namibië se 71 000 staatsamptenare, onderwysers en lede van die veiligheidsmagte moet waarskynlik nog vier jaar wag voordat hulle weer 'n bonus aan die einde van die jaar sal kry.• Tien mense het Woensdagmiddag ernstige beserings naelskraaps ontkom toe die Cessna 404 waarmee hulle van die Oshakati-lughawe wou opstyg, koers verloor en neus eerste in die veld beland het.• 'n Politieke vergadering van die Kongres van Demokrate (CoD) het gisteraand in Swakopmund se Mondesa in 'n chaos geëindig toe die opkoms deur 'n horde Swapo-aanhangers oorval is.

20 jaar gelede

Kommentaar

Republikein 2025-06-19

Meld asseblief aan om kommentaar te lewer

20 jaar gelede

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie