20 jaar gelede

Maandag 21 Mei 2001- Midde verhoudinge wat al meer gespanne raak tussen die bestuur van die Namibiese Uitsaaikorporasie (NBC) en die voorsitter van die staatsuitsaaier se raad, staar die korporasie ’n begrotingstekort van N$7,4 miljoen in die gesig.- Net die veiligheid van sy sel het ’n ‘priester’ van Hentiesbaai die afgelope dae beskerm teen die woede van ’n groep vroue wat by die polisiekantoor saamgedrom en sy uitlewering geëis het.- Die internasionale gemeenskap het in gebreke gebly om die oorsprong van die voortslepende oorlog in Namibië se noordelike buurland, Angola, aan te spreek.- Die Regering gaan hom die volgende vyf jaar toespits op die verbetering van die vermoëns van streekrade, plaaslike en tradisionele owerhede om ekonomiese ontwikkeling aan te wakker.Dinsdag 22 Mei 2001- Sewe vermeende lede van die Caprivi-rebellebeweging is gister in die Grootfonteinse landdroshof vrygelaat, terwyl die saak van die oorblywende 126 beskuldigdes na die Hoërhof verwys is.- Dit het gister in die gange van die NBC gegons en, indien moontlik, is die temperatuur tussen die bestuur en die raadsvoorsitter van die staatsuitsaaier verder die hoogte ingejaag.- Vier grootmaatverbruikers van water in NamWater se Sentrale Namibgebied het ten sterkste ontken dat hulle die vlieg in die salf van die omstrede seewaterontsoutingsaanleg is.- Die goedkoop en omstrede wyn wat onder die handelsnaam Kaalgat verwoesting onder Namibiërs saai, het gister ’n draai in die kantoor van die Eerste Minister, mnr. Hage Geingob, gemaak.- Lede van die Spesiale Veldmag en Namibiese Weermag is gisteroggend tydens die verhoor van 132 vermeende Caprivi-afstigters op Grootfontein ontplooi om streng veiligheidsmaatreëls te handhaaf.Woensdag 23 Mei 2001- Terwyl die Minister van Buitelandse Sake, Inligting en Uitsaaiwese, mnr. Theo-Ben Gurirab, gister daarop gewys het dat Afrika deur konflikte soos dié in Angola, die Demokratiese Republiek van Kongo (DRK), Liberië, Sierra Leone, Rwanda en Burundi geteister word, dit wel vreedsaam opgelos kan word.- Die Namibiese Bus-en-Taxivereniging (Nabta) gaan van 1 Junie streng maatreëls instel om onwettige taxibestuurders kort te vat en ongelukke waarby taxi’s betrokke is tot die munimum te beperk.- Indien Amerika voortgaan met sy “rassistiese diskriminasie op grond van velkleur”, sal Amerikaners nie meer welkom in Namibië wees nie.- Drie lede van die Namibiese veiligheidsmagte is Maandagoggend ernstig beseer deur ’n teenpersoneelmyn wat hulle op die Mu’tjiku-nedersetting in die Wes-Caprivi onskadelik probeer stel het.Donderdag 24 Mei 2001- Openbare vakansiedagVrydag 25 Mei 2001- Afrikadag

20 jaar gelede

Kommentaar

Republikein 2026-05-14

Meld asseblief aan om kommentaar te lewer

20 jaar gelede

Kommentaar

Republikein 2026-05-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.