20 Jaar Gelede
Maandag 22 Februarie 1999
- Amerika het op die vooraand van ’n Namibiese besoek aan Botswana en terwyl die Mafwe’s in Caprivi die afgelope naweek op Linyati oor beweerde diskriminasie teen die stam besin het, ingewillig dat mnr. Mishake Kuyongo en die 14 ander Namibiërs wat politieke asiel in Botswana ontvang het, hulle in die VSA kan hervestig.
- Namibië het sy inleidende voorleggings aan die Wêreldhof oor die Kasikili-eiland afgesluit met ’n oorwoë verklaring dat soewereiniteit oor die eiland by hom berus, enersyds kragtens die Anglo-Duitse Verdrag van 1890 waarin grenslyne tussen Namibië en Botswana bepaal word en andersyds weens die langdurige praktyke van die twee lande sedert die Stormloop om Afrika.
Dinsdag 23 Februarie 1999
- Die grootste stam in Caprivi, die Mafwe, het die naweek die rede vir die uittog na Botswana voor die deur van President Sam Nujoma se regering gelê en gedreig dat nog honderde Mafwe-lede uit die land sal vlug.
- Die bekende misdadiger, Ninja – ’n fors-geboude man wat 12 jaar van sy lewe in Kuba deurgebring het – is gister saam met twee van sy rampokker-vriende skuldig bevind aan moord en roof met verswarende omstandighede.
- ’n Onoplosbare probleem. Dit is hoe meer as tien jaar se skade deur olifante vir ’n kommersiële boer naby Kamanjab, mnr. Jose Goliath van die plaas Ombonde, lyk.
Woensdag 24 Februarie 1999
- Die Caprivi-rebelle en sage van slepende verdeeldheid het gister in ’n dramatiese wending ’n DTA parlementslid as jongste slagoffer geëis.
- Namibië se saak by die Wêreldhof oor die Kasikili-eiland is skynbaar besig om te verbrokkel.
- Gemoedere het gister só hoog geloop in die Windhoekse Hoërhof waar die berugte rower, Paulus Shimwefeleni, alias Ninja, en sy twee rampokkervriende lewenslank tronk toe gestuur is, dat ’n kameraman van die NBC dit moes ontgeld toe Shimwefeleni hom in ’n vlaag van woede met ’n glas water gegooi het.
Donderdag 25 Februarie 1999
- In Swapo se jongste poging om totale politieke beheer oor Caprivi uit te oefen, is die wiele verlede week aan die rol gesit om ’n Swapo-gesinde onderhoofman as Mafwe-opperhoof in die plek van die voortvlugtige mnr. Boniface Mamili in te huldig.
- Pres. Sam Nujoma vertrek vandag op ’n geskiedkundige besoek aan Libië.
- Die gewese President van die Namibiese Sokkervereniging (NFA) word van beweerde dreigemente van aanranding teen ’n sportverslaggewer aangekla.
Vrydag 26 Februarie 1999
- Namibië het tot op die drumpel van die verowering van die Europese Unie se skaapvleiskwota vir Afrika beweeg toe die slagplaas by Mariental gister by Brussel aanbeveel is vir sodanige uitvoere.
- Bykans ’n jaar nadat die Nederduits Gereformeerde Kerk in Namibië ’n openbare skulderkenning oor apartheid en rassisme gedoen het, gaan die Raad van Kerke in Namibië by wyse van ’n spesiale kerkdiens in Windhoek die NGK vir sy apartheidsondes van die verlede vergewe.
- Bastereenheid is aan flarde geruk op die vooraand van die inhuldiging van die Kaptein en die Kapteinsraad.
- Amerika het op die vooraand van ’n Namibiese besoek aan Botswana en terwyl die Mafwe’s in Caprivi die afgelope naweek op Linyati oor beweerde diskriminasie teen die stam besin het, ingewillig dat mnr. Mishake Kuyongo en die 14 ander Namibiërs wat politieke asiel in Botswana ontvang het, hulle in die VSA kan hervestig.
- Namibië het sy inleidende voorleggings aan die Wêreldhof oor die Kasikili-eiland afgesluit met ’n oorwoë verklaring dat soewereiniteit oor die eiland by hom berus, enersyds kragtens die Anglo-Duitse Verdrag van 1890 waarin grenslyne tussen Namibië en Botswana bepaal word en andersyds weens die langdurige praktyke van die twee lande sedert die Stormloop om Afrika.
Dinsdag 23 Februarie 1999
- Die grootste stam in Caprivi, die Mafwe, het die naweek die rede vir die uittog na Botswana voor die deur van President Sam Nujoma se regering gelê en gedreig dat nog honderde Mafwe-lede uit die land sal vlug.
- Die bekende misdadiger, Ninja – ’n fors-geboude man wat 12 jaar van sy lewe in Kuba deurgebring het – is gister saam met twee van sy rampokker-vriende skuldig bevind aan moord en roof met verswarende omstandighede.
- ’n Onoplosbare probleem. Dit is hoe meer as tien jaar se skade deur olifante vir ’n kommersiële boer naby Kamanjab, mnr. Jose Goliath van die plaas Ombonde, lyk.
Woensdag 24 Februarie 1999
- Die Caprivi-rebelle en sage van slepende verdeeldheid het gister in ’n dramatiese wending ’n DTA parlementslid as jongste slagoffer geëis.
- Namibië se saak by die Wêreldhof oor die Kasikili-eiland is skynbaar besig om te verbrokkel.
- Gemoedere het gister só hoog geloop in die Windhoekse Hoërhof waar die berugte rower, Paulus Shimwefeleni, alias Ninja, en sy twee rampokkervriende lewenslank tronk toe gestuur is, dat ’n kameraman van die NBC dit moes ontgeld toe Shimwefeleni hom in ’n vlaag van woede met ’n glas water gegooi het.
Donderdag 25 Februarie 1999
- In Swapo se jongste poging om totale politieke beheer oor Caprivi uit te oefen, is die wiele verlede week aan die rol gesit om ’n Swapo-gesinde onderhoofman as Mafwe-opperhoof in die plek van die voortvlugtige mnr. Boniface Mamili in te huldig.
- Pres. Sam Nujoma vertrek vandag op ’n geskiedkundige besoek aan Libië.
- Die gewese President van die Namibiese Sokkervereniging (NFA) word van beweerde dreigemente van aanranding teen ’n sportverslaggewer aangekla.
Vrydag 26 Februarie 1999
- Namibië het tot op die drumpel van die verowering van die Europese Unie se skaapvleiskwota vir Afrika beweeg toe die slagplaas by Mariental gister by Brussel aanbeveel is vir sodanige uitvoere.
- Bykans ’n jaar nadat die Nederduits Gereformeerde Kerk in Namibië ’n openbare skulderkenning oor apartheid en rassisme gedoen het, gaan die Raad van Kerke in Namibië by wyse van ’n spesiale kerkdiens in Windhoek die NGK vir sy apartheidsondes van die verlede vergewe.
- Bastereenheid is aan flarde geruk op die vooraand van die inhuldiging van die Kaptein en die Kapteinsraad.
Kommentaar
Republikein
Geen kommentaar is op hierdie artikel gelaat nie