20 jaar gelede

Maandag 23 September• Die status van Duitse beleggings van vóór onafhanklikwording in Namibië is in onsekerheid gedompel nadat ’n dispuut skynbaar tussen die regerings van Namibië en Duitsland ontstaan het oor die terugstuur van opbrengste uit dié beleggings.• Longsiekte bedreig die beeskudde noord van die sogenaamde Rooilyn. Uiters goeie beheer by die veeartseny-beheerposte op Oshivelo en Mururani is nou al wat tussen die gesonde kommersiële beeskudde en ’n verbod op uitvoere uit Namibië staan.Dinsdag 24 September• Die Namibië Bus- en Taxivereniging (Nabta) het hom gister sterk uitgespreek teen kriminele oortredings waarby taxibestuurders in Windhoek betrokke is en dit aan “gebrekkige” verkeerswetgewing toegeskryf.• Geskiedenis gaan Woensdag in Namibië gemaak word as die land die tuiste word van ’n jong witrenoster wat in Duitsland in ’n dieretuin gebore is.Woensdag 25 September• Die mediese bevoegdheid van die superintendent van die Otjiwarongo-hospitaal wat glo nie die “eenvoudigste operasie” kon uitvoer nie, moet deur die nuwe Minister van Gesondheid, dr. Libertine Amathila, verduidelik word.• Beweringe dat die veroordeelde moordenaar, Foresta Frans Nikodemus, Sondagmiddag by die huis van vriende in Freedom Square opgemerk is, is deur die hoof van die Windhoekse Sentrale Gevangenis, mnr. Karl Fischer, ten sterkste ontken.Donderdag 26 September• ’n Enkele kopie van Die Republikein se voorblad wat verlede Vrydag N$1,50 gekos het, het Woensdagaand, drie werksdae later, ’n prys van N$1 100 behaal. Die voorblad was dié van die koerant se verwelkomingsuitgawe vir Frankie Fredericks ná sy terugkeer van die Olimpiese Spele. Die geraamde, ondertekende voorblad is tydens ’n spogdinee opgeveil.Vrydag 27 September• Eienaars van motorvoertuie en ander registreerbare vervoermiddels in Namibië kan hulle gereed maak om in die afsienbare toekoms en vir die tweede keer sedert onafhanklikwording, nuwe registrasieplate aan te skaf.• Vir die tweede keer binne 24 uur is die Regering se Lear-straler ingespan om ’n noodvlug na Suid-Afrika te onderneem met ’n pasiënt wat dringend mediese behandeling moes ondergaan.Sondag 29 September• Transaksies van tussen N$5 miljoen en N$6 miljoen kan op Hentiesbaai die voorspel wees tot ’n belegging van meer as N$50 miljoen deur ’n entrepreneur en sy rykmansvriende van Duitsland. Die eerste kontrakte is reeds gesluit.• Histeriese vroue van Khorixas het om die herinstelling van die doodstraf gegil toe Vrydag weer op die plek gestaan is waar Paulina Gamases (35) die vorige Vrydag aangerand, verkrag en vermoor is. Die dorp was Vrydag in die greep van feministiese woede.

20 jaar gelede

Kommentaar

Republikein 2026-10-15

Meld asseblief aan om kommentaar te lewer

20 jaar gelede

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.