20 jaar gelede

Maandag 23 Julie 2001- Een van die voorstelle vervat in die presidensiële kommissie vir onderwys, kultuur en opleiding lui dat daar van die drietermyn-stelsel terug beweeg word na ’n kwartaallikse stelsel. - Die koudste weer in dekades is die naweek van Aus in die Suide tot by Outjo in die Noorde ervaar waar dié dorp die laagste minimum temperatuur die afgelope paar dae van 4,8 grade onder vriespunt aangeteken het.- Vrese oor veiligheid met Air Namibia-vliegtuie ná die onlangse afdanking van onder meer die lugredery se senior veiligheidsbestuurder is uit die weg geruim met ’n bevestiging van Burgerlugvaart dat dié situasie met arendsoë dopgehou word.Dinsdag 24 Julie 2001- Die wekelange omstredenheid rondom een van Namibië se belangrikste vervoerinstellings, TransNamib, en die beweerde afdanking van sy besturende direkteur, dr. Peingondjabi Shipoh, kan vandag op die spits gedryf word.- Die lewensvatbaarheid van ’n nasionale lugredery vir ’n ekonomiese klein land soos Namibië moet dalk heroorweeg word, het die Namibiese Navorsingeenheid vir Ekonomiese Beleid (Nepru) gister gesê.Woensdag 25 Julie 2001- ’n Storm kan op 1 Augustus onder die duisende lede van die Regering se mediese fonds losbars wanneer drastiese besnoeiingsmaatreëls in werking tree ingevolge waarvan net die goedkoopste medisyne tot hul beskikking sal wees.- Die loongeskil tussen nagenoeg 1 500 munisipale werkers en die Windhoekse stadsraad het slepende binnekring-onmin tussen Swapo se politieke leierskap en frontorganisasies in die openbare arena gedwing.- Die buitengewoon koue temperature oor die meeste dele van die land het die naweek vermoedelik bygedra tot die ontsporing van Namibië se luukse passasierstrein.Donderdag 26 Julie 2001- Aptekers en dokters is in die kookpot van onmin oor ’n regeringsvoorskrif ten opsigte van goedkoop medisyne aan lede van sy mediese fonds.- Inwoners van die Kavangostreek is vandeesweek gewaarsku om nie die Kavangorivier te gebruik om die grens na Angola oor te steek nie.- Die strydbyle kan te voorskyn kom tussen die Windhoekse stadsraad en die Namibiese Bus- en Taxivereniging (Nabta) indien gehoor gegee word aan ’n inwonersversoek dat taxibedrywighede summier om middernag in woonbuurte gestaak word.Vrydag 27 Julie 2001- Die Kavangorivier is nou by die Popa-waterval ’n bykomende moontlikheid vir waterkrag, maar sal nie die potensiële benutting van die Epupa-waterval in die Kunenerivier as energiebron vir Namibië vervang nie.- Windhoek se motorryers is vandeesweek onverwags getref deur ’n onaangekondigde verhoging van 50% in parkeermetertariewe.- Die nasionale hervestigingsbeleid is uiteindelik gereed om in die Parlement vir bespreking en goedkeuring voorgelê te word.

20 jaar gelede

Kommentaar

Republikein 2026-06-26

Meld asseblief aan om kommentaar te lewer

20 jaar gelede

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.