20 jaar gelede

Maandag 11 Desember 2000 Vakansiedag Dinsdag 12 Desember 2000• 'n Uitstappie om aan kleinkinders die Kersligversierings by die Zoo-park in die middestad te wys, het vir 'n Windhoeker tragies geëindig.• Grondbelasting gaan onmiddellik in Namibië ingestel word. Boere wat ná twee jaar nie grondbelasting betaal het nie, se plase sal outomaties staatsbesit word.• Menseregtedag is Sondag in Namibië en nog talle wêrelddele herdenk.• Terwyl moord en rooftogte die naweek hoogty gevier het, was die dodetal op Namibiese paaie sedert die aanbreek van die skoolvakansie teen die einde van die langnaweek 15. Woensdag 13 Desember 2000• Minderjarige sekssnolle met telefone hou Windhoekers sedert die skole gesluit het tot laatnag besig met vulgêre oproepe.• Minstens drie mense het verdrink en agt word vermis ná 'n groep van 14 buitelanders se desperate poging om naby Noordoewer deur die Oranjerivier te swem.• Die onbetrokkenheid van Namibiese mans by die opvoeding van hul kinders het gister sterk onder die soeklig gekom tydens die bekendstelling van die jongste verslag oor die status van kinders wêreldwyd. • Die val van City Savings and Investment Bank (CSIB) kan dramaties gestuit word wanneer 'n konsortium van Namibiese beleggers binne enkele weke die bestuur en beheer van die bank oorneem. Donderdag 14 Desember 2000• 'n Advertensie in nuus- en toerismetydskrifte in Suid-Afrika van 'n Himba-vrou wie se borste. . . wel. . . “punt in die wind” agter 'n motor aanwaai, het pas die wind van voor gekry deurdat Namibiese vroue dit as beledigend en vernederend bestempel.• Bykans N$100 miljoen sal op 31 Maart aanstaande jaar vanweë die demutualisering van Swabou aan aandeelhouers van die bouvereniging beskikbaar wees om in die “nuwe” City Savings & Investment Bank (CSIB) te belê.• Unita se herowering van Caombo, 'n strategiese diamantontginningsentrum in die Noord-Angolese provinsie Malange, kan handel in “bloeddiamante” weer laat opvlam. Vrydag 15 Desember 2000• Nog 'n piramideskema het gekantel en meer as duisend mense loop die risiko om hul geld te verloor. Meer as N$1 miljoen is by dié skema betrokke.• Die werksaamhede van Azaliah-Kollege Namibië is gister dieper in omstredenheid gedompel deurdat onderwysers wat hul studies aan die inrigting gestaak het weens die Regering se miskenning van sy kursusse hul klasgeld begin terugeis het.• Parfuum met 'n skop wat jou uitklop, is die jongste slenter waarmee Windhoekse vroue glo die afgelope tyd op 'n parkeerterrein van handsakke en juwele beroof is.• Die Verteenwoordigende Studenteraad (SRC) van die Universiteit van Namibië (Unam) het twee van sy lede tydelik geskors oor hul beweerde aanvaarding van N$400 as omkoopgeld om 'n Tenderraad-besluit ten gunste van huidige leweransiers te beïnvloed.

20 jaar gelede

Kommentaar

Republikein 2025-11-05

Meld asseblief aan om kommentaar te lewer

20 jaar gelede

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.