20 jaar gelede
Maandag 16 September
• ’n Diplomatieke Koue Oorlog het tussen Namibië en Botswana uitgebreek oor die voortgesette besetting van Kasikili-eiland deur ’n swaar gewapende mag van Botswana se weermag en dié land se mislukte poging om groot hoeveelhede konvensionele wapens van Nederland aan te koop.
• Die eensydige aanwysing van ’n nuwe Ombudsman vir Namibië en die verontagsaming van grondwetlike bepalings deur die President, mnr. Sam Nujoma, deurdat die Regsdienskommissie in die proses misken is, gaan volgens aanduidinge vandeesweek nog in die Regering se gesig ontplof.
Dinsdag 17 September
• Namibië gaan volgens ’n aankondiging gister in Harare deur die President, mnr. Sam Nujoma, die eerste land op die Afrika-vasteland word om ’n termiese sonkragsentrale en minstens twee windplase vir die opwekking van krag in die bedryf te stel.
• Die Namibiese effektebeurs se Alle Aandele-indeks wat tydens die tweede kwartaal vanjaar met 31,5 persent gestyg het, het die beurs tydens dié tydperk ’n stewiger vertoning as die Johannesburgse effektebeurs laat lewer.
Woensdag 18 September
• Die keerpunt breek vanoggend aan vir twee kompeterende vakbonde in Namibië, want net een van hulle kan as die wenner uit die kryt stap in die stryd oor wie die bedingingsagent vir staatsamptenare gaan wees.
• Die navorsingsresultate van die tabak wat op verskeie plekke in Namibië aangeplant is, het soveel reaksie uitgelok dat die Departement van Landbou weer moes waarsku dat dit graag nog ’n jaar se navorsing sou wou doen alvorens boere begin om op groot skaal tabak te kweek.
Donderdag 19 September
• Swapo moes hom gister tot die Parlement wend om by wyse van ’n mosie gemoedere oor die Swapo aangehoudene-kwessie te kalmeer nadat sy boek, Their Blood Waters our Freedom, wat veronderstel was om juis dít te doen, die aangeleentheid opnuut in omstredenheid gedompel het.
• Koue fratsweer het gister in die Suide plek-plek met kapok gepaard gegaan. Volgens boere van Helmeringhausen is dit ’n vreemde verskynsel vir dié tyd van die jaar. Die laaste kapok is in Augustus 1987 aangemeld.
Vrydag 20 September
• Die swakste jaar na ongeveer 15 jaar van droogte, sommige beweer die swakste in 100 jaar, was net één te veel en onberekenbare skade is aan die natuurlike hulpbronne, weiding en water aangerig, sê mnr. Paul Smit, president van die Namibië Landbou-unie.
Sondag 22 September
• Die oktaangehalte van brandstof wat in Namibië te koop is, voldoen nie meer aan die hoër vereistes wat nuwe motorenjins stel nie. Die gevolg is duisende dollar aan masjienskade op ’n gereelde grondslag. Nóg die regering nóg die oliemaatskappye aanvaar verantwoordelikheid vir die onvergenoeglike situasie.
• ’n Diplomatieke Koue Oorlog het tussen Namibië en Botswana uitgebreek oor die voortgesette besetting van Kasikili-eiland deur ’n swaar gewapende mag van Botswana se weermag en dié land se mislukte poging om groot hoeveelhede konvensionele wapens van Nederland aan te koop.
• Die eensydige aanwysing van ’n nuwe Ombudsman vir Namibië en die verontagsaming van grondwetlike bepalings deur die President, mnr. Sam Nujoma, deurdat die Regsdienskommissie in die proses misken is, gaan volgens aanduidinge vandeesweek nog in die Regering se gesig ontplof.
Dinsdag 17 September
• Namibië gaan volgens ’n aankondiging gister in Harare deur die President, mnr. Sam Nujoma, die eerste land op die Afrika-vasteland word om ’n termiese sonkragsentrale en minstens twee windplase vir die opwekking van krag in die bedryf te stel.
• Die Namibiese effektebeurs se Alle Aandele-indeks wat tydens die tweede kwartaal vanjaar met 31,5 persent gestyg het, het die beurs tydens dié tydperk ’n stewiger vertoning as die Johannesburgse effektebeurs laat lewer.
Woensdag 18 September
• Die keerpunt breek vanoggend aan vir twee kompeterende vakbonde in Namibië, want net een van hulle kan as die wenner uit die kryt stap in die stryd oor wie die bedingingsagent vir staatsamptenare gaan wees.
• Die navorsingsresultate van die tabak wat op verskeie plekke in Namibië aangeplant is, het soveel reaksie uitgelok dat die Departement van Landbou weer moes waarsku dat dit graag nog ’n jaar se navorsing sou wou doen alvorens boere begin om op groot skaal tabak te kweek.
Donderdag 19 September
• Swapo moes hom gister tot die Parlement wend om by wyse van ’n mosie gemoedere oor die Swapo aangehoudene-kwessie te kalmeer nadat sy boek, Their Blood Waters our Freedom, wat veronderstel was om juis dít te doen, die aangeleentheid opnuut in omstredenheid gedompel het.
• Koue fratsweer het gister in die Suide plek-plek met kapok gepaard gegaan. Volgens boere van Helmeringhausen is dit ’n vreemde verskynsel vir dié tyd van die jaar. Die laaste kapok is in Augustus 1987 aangemeld.
Vrydag 20 September
• Die swakste jaar na ongeveer 15 jaar van droogte, sommige beweer die swakste in 100 jaar, was net één te veel en onberekenbare skade is aan die natuurlike hulpbronne, weiding en water aangerig, sê mnr. Paul Smit, president van die Namibië Landbou-unie.
Sondag 22 September
• Die oktaangehalte van brandstof wat in Namibië te koop is, voldoen nie meer aan die hoër vereistes wat nuwe motorenjins stel nie. Die gevolg is duisende dollar aan masjienskade op ’n gereelde grondslag. Nóg die regering nóg die oliemaatskappye aanvaar verantwoordelikheid vir die onvergenoeglike situasie.
Kommentaar
Republikein
Geen kommentaar is op hierdie artikel gelaat nie