20 Jaar Gelede

Maandag 2 Augustus 1999• Die vreugde onder Namibië se sokkerondersteuners het die naweek geen perke geken nie toe die Brave Warriors Suid-Afrika se Bafana Bafana met strafdoele (4-1) geklop het ná die twee spanne met een doel elk gelykop was ná 90 minute van speeltyd.• Die moontlikheid dat die TCL-myne deur 'n plaaslike konsortium uit die sak en as van likwidasie gered kan word, het in 'n dramatiese wending sterk op die voorgrond getree. • Hardnekkige gerugte dat alles nie pluis is met die aankoms in Namibië van derduisende langverwagte tjeks van Ou Mutual-polishouers wat hul aandele verkoop het nie, is die naweek uit verskeie oorde ontken. Dinsdag 3 Augustus 1999• Die toestand in Caprivi is gespanne ná gister se opstand en aanslag deur lede van die Caprivi-Bevrydingsleer waarin dertien mense dood en dertien beseer is.• Duisende dollars se skade is aan die NBC-uitsaaisentrum op Katima Mulilo aangerig toe eenhede van die Namibiese Weermag (NDF) die gebou gistermiddag met mortierbomme bestook het.• Toeriste op Katima Mulilo is vreesbevange in hul vakansiebestemmings vasgekeer nadat wilde geweervuur tussen afstigters en regeringsmagte in die vroeë ure gisteroggend oor die normaalweg vreedsame dorpie losgebars het. Woensdag 4 Augustus 1999• Minstens twee konvooie onder begeleiding van die weermag het toeriste en vredeswerkers gister uit die gevaarsone uit die Caprivi verwyder.• Die afkondiging van die noodtoestand in die Caprivi deur Pres. Sam Nujoma het die vrywillige repatriasieproses van Namibiese vlugtelinge in Botswana tot stilstand gedwing.• Beweringe dat Unita betrokke is by die opstand in Caprivi kon gister nie bevestig of ontken word nie. Donderdag 5 Augustus 1999• Veiligheidsmagte fynkam en patrolleer nou Katima Mulilo en die omgewing, asook die hele Caprivi om die gebied te beveilig vir besoekers en inwoners.• Die bannelingleier van die separatiste in die Caprivi, mnr. Mishake Muyongo, het gister skerp uit Denemarke gereageer op wat hy noem “sinlose aanhoudings van burgerlikes”.• Twee toeriste het vermoedelik in 'n badkamer by 'n gastehuis op Aus versmoor weens 'n moontlike konstante gastoevoer uit 'n warmwatertoestel en tekort aan suurstof in die vertrek.Vrydag 6 Augustus 1999• Botswana is gereed om, indien daartoe versoek, militêre steun aan Namibië in die beslegting van die Caprivi-krisis te verleen.• Die sekretaris-generaal van die VVO en dié van die Organisasie vir Eenheid in Afrika (OEA) is deur die Namibiese regering in kennis gestel van die noodmaatreëls wat in die Caprivi-streek ingestel is.• Die verset teen die regering se werkverskaffing aan voormalige Plan-lede het tot die suidelike streke uitgebrei.

20 Jaar Gelede

Kommentaar

Republikein 2026-05-05

Meld asseblief aan om kommentaar te lewer

20 Jaar Gelede

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.