20 jaar gelede
Maandag 19 Junie 2000
- Die elf Namibiese krygsgevangenes wat meer as twee jaar lank in Rwanda aangehou is ná hulle in verskillende veldslae in die Demokratiese Republiek van Kongo (DRK) gevangene geneem is, is tuis.
- ’n Skikkingsooreenkoms tussen die Regering en ’n professionele jagter ingevolge waarvan hy die jagregte in die Mamili-wildtuin teen minder as die markwaarde kan koop, is gister in die Hoërhof ter syde gestel nadat nog ’n professionele jagter beswaar gemaak het.
- Opregte gelukwensinge is einde verlede week deur die Republikeinse Party (RP) aan die Regering gebring vir die wyse waarop by die gesonde beginsels wat tydens die 1992 Grond Konferensie aanvaar is sowel as die bepalinge van die Grondwet gehou word.
Dinsdag 20 Junie 2000
- Politici moet die gebruik van die grondhervormingskwessie as ’n politieke instrument staak en eerder die boodskap tuisbring dat die herverdeling van grond nie Namibië se armoedekrisis sal oplos nie.
- ’n Gemiddelde huishouding in Windhoek sal met ingang van Julie vanjaar 9,83% per maand meer vir munisipale dienste moet betaal, terwyl dienste aan huishoudings met ’n laer inkomste 8,56% per maand duurder sal wees.
- Huishoudelike geweld en die onderhoud van kinders gaan na verwagting vandag op die hoogste wetgewende vlak aangespreek word wanneer die Nasionale Vergadering (NV) sy werksaamhede hervat.
Woensdag 21 Junie 2000
- Geheime gesprekke oor die moontlikheid van vrede in Angola wat ’n nuwe tydvak van stabiliteit vir Suider-Afrika kan inlui en ’n einde bring aan die onrus aan Namibië se noordgrens, het die naweek in Mosambiek tussen die Angolese regering en die Unita-rebellebeweging plaasgevind.
- Toenemende korrupsie in die openbare en private sektor en die afwesigheid van anti-korrupsiewetgewing is van die grootste bronne van kommer vir die Kantoor van die Ombudsman.
- Ali Ekber Akan het gister vir ’n opskudding in Namibiese sokker gesorg met sy skielike bedanking as hulp-raadgewer van die Namibiese nasionale span.
Donderdag 22 Junie 2000
- Namibië het sy posisie as een van die mededingendste lande op die vasteland benadruk met ’n vierde plek in die Wêreld Ekonomiese Forum se verslag vir die jaar 2000/2001 wat gister wêreldwyd vrygestel is.
- Huishoudelike geweld is een van die grootste menseregte-probleme waarmee Namibië te kampe het en meer as 50 persent van alle Namibiese vroue en kinders kan daardeur geraak word.
- Aquanam is die naam van die gesamentlike onderneming wat tussen NamWater en ’n internasionale maatskappy gestig word om die ontsoutingsaanleg langs die kus te bedryf.
Vrydag 23 Junie 2000
- Die vredesproses en die uiteindelike ontplooiing van die Verenigde Nasies (VN) se vredesmagte in die Demokratiese Republiek van Kongo (DRK) wankel.
- Die gereelde en ongekoördineerde afwesigheid van landdroste by laer howe op die platteland het dié howe in ’n chaos gedompel.
- Die meeste mediese spesialiste is van aanstaande maand nie meer by die Mediese Fonds vir Staatsdienswerkers (PSEMAS) ingekontrakteer nie.
- Die elf Namibiese krygsgevangenes wat meer as twee jaar lank in Rwanda aangehou is ná hulle in verskillende veldslae in die Demokratiese Republiek van Kongo (DRK) gevangene geneem is, is tuis.
- ’n Skikkingsooreenkoms tussen die Regering en ’n professionele jagter ingevolge waarvan hy die jagregte in die Mamili-wildtuin teen minder as die markwaarde kan koop, is gister in die Hoërhof ter syde gestel nadat nog ’n professionele jagter beswaar gemaak het.
- Opregte gelukwensinge is einde verlede week deur die Republikeinse Party (RP) aan die Regering gebring vir die wyse waarop by die gesonde beginsels wat tydens die 1992 Grond Konferensie aanvaar is sowel as die bepalinge van die Grondwet gehou word.
Dinsdag 20 Junie 2000
- Politici moet die gebruik van die grondhervormingskwessie as ’n politieke instrument staak en eerder die boodskap tuisbring dat die herverdeling van grond nie Namibië se armoedekrisis sal oplos nie.
- ’n Gemiddelde huishouding in Windhoek sal met ingang van Julie vanjaar 9,83% per maand meer vir munisipale dienste moet betaal, terwyl dienste aan huishoudings met ’n laer inkomste 8,56% per maand duurder sal wees.
- Huishoudelike geweld en die onderhoud van kinders gaan na verwagting vandag op die hoogste wetgewende vlak aangespreek word wanneer die Nasionale Vergadering (NV) sy werksaamhede hervat.
Woensdag 21 Junie 2000
- Geheime gesprekke oor die moontlikheid van vrede in Angola wat ’n nuwe tydvak van stabiliteit vir Suider-Afrika kan inlui en ’n einde bring aan die onrus aan Namibië se noordgrens, het die naweek in Mosambiek tussen die Angolese regering en die Unita-rebellebeweging plaasgevind.
- Toenemende korrupsie in die openbare en private sektor en die afwesigheid van anti-korrupsiewetgewing is van die grootste bronne van kommer vir die Kantoor van die Ombudsman.
- Ali Ekber Akan het gister vir ’n opskudding in Namibiese sokker gesorg met sy skielike bedanking as hulp-raadgewer van die Namibiese nasionale span.
Donderdag 22 Junie 2000
- Namibië het sy posisie as een van die mededingendste lande op die vasteland benadruk met ’n vierde plek in die Wêreld Ekonomiese Forum se verslag vir die jaar 2000/2001 wat gister wêreldwyd vrygestel is.
- Huishoudelike geweld is een van die grootste menseregte-probleme waarmee Namibië te kampe het en meer as 50 persent van alle Namibiese vroue en kinders kan daardeur geraak word.
- Aquanam is die naam van die gesamentlike onderneming wat tussen NamWater en ’n internasionale maatskappy gestig word om die ontsoutingsaanleg langs die kus te bedryf.
Vrydag 23 Junie 2000
- Die vredesproses en die uiteindelike ontplooiing van die Verenigde Nasies (VN) se vredesmagte in die Demokratiese Republiek van Kongo (DRK) wankel.
- Die gereelde en ongekoördineerde afwesigheid van landdroste by laer howe op die platteland het dié howe in ’n chaos gedompel.
- Die meeste mediese spesialiste is van aanstaande maand nie meer by die Mediese Fonds vir Staatsdienswerkers (PSEMAS) ingekontrakteer nie.
Kommentaar
Republikein
Geen kommentaar is op hierdie artikel gelaat nie