20 Jaar Gelede
Maandag 19 Januarie 1998
- Die kop van genl. Dimo Hamaambo, hoof van die Namibiese Weermag, word geëis in die jongste wending rondom die grensdispuut tussen Namibië en Botswana.
- Goeie reën het verlede week oor groot dele van Namibië uitgesak terwyl die Oranjerivier in ’n tweede vloed sedert gister die see instroom. ’n Derde vloed word voorspel.
- Altesame ses politieke partye en agt organisasies en verenigings het hulle vir deelname aan die plaaslike verkiesings op 16 Februarie geregistreer.
Dinsdag 20 Januarie 1998
- Hernieude eise deur staatsamptenare op algemene salarisaanpassings van tot 20% is gister met gemengde seine deur die hoogste gesag in die Regering begroet.
- Die Namibiese Weermag (NDF) het gister in trurat gespring oor genl. Dimo Hamaambo, Hoof van die Weermag, se beweerde rol in die Situngu-eilandgeskil met Botswana.
- Die hoogs emosionele debat oor die grondkwessie het die afgelope naweek nuwe momentum gekry nadat die president van die Nasionale Unie van Namibiese Werkers (NUNW), mnr. Ponhele YaFrance, met die afsluiting van die vakbond se kongres gesê het die Regering moet die Grondwet sodanig wysig dat grond sonder vergoeding onteien kan word van almal wat meer as een plaas besit.
Woensdag 21 Januarie 1998
- Die regering gaan ’n eis van etlike miljoene dollars deur ’n plaaslike invoerder van motors en monteermaatskappy in die Hoërhof teenstaan.
- ’n Grootskeepse ondersoek is die naweek in Windhoek deur die Polisie se eenheid vir die voorkoming van ernstige misdaad van stapel gestuur na die beweerde diefstal van N$820 000 kontant van Coin Security.
- Die lot van die Russies-vervaardigde Iljoesin 76-vragvliegtuig op die Internasionale Lughawe Windhoek bly onbekend. Intussen hoop die uitstaande rekening vir staanplek op die lughawe op.
Donderdag 22 Januarie 1998
- Sewe mense het laat gistermiddag die dood op wonderbaarlike wyse vrygespring nadat twee bakkies naby die Windhoek Sentrale Hospitaal in ’n grubotsing betrokke was.
- Konstruksiewerk aan die gasaangedrewe kragsentrale van bykans N$1 000 miljoen op Oranjemund gaan na verwagting vroeg in die jaar 2000 begin terwyl sowat 500 mense by dié bouprojek betrokke gaan wees.
- ’n Krisistoestand heers in die Dosa-nedersetting in Okavango nadat ’n familie van 13 byna totaal deur ‘n geheimsinnige siekte uitgewis is.
Vrydag 23 Januarie 1998
- Die voorpunt van Russiese militêre hulp, wat klaarblyklik vroeg verlede jaar in Windhoek deur die Staatshuis en ’n afvaardiging van die Russiese geheime diens onderhandel is, het in die vorm van ’n reuse-voorraad wapentuig in die hawe van Walvisbaai aangekom.
- Vertroue in die toekoms van demokrasie in die land het vir die meerderheid Namibiërs in duie gestort.
- ’n Suid-Afrikaanse vragvliegtuig wat op ’n vlug was na die diamantgebied van Angola, is Woensdag deur die Angolese lugmag onderskep.
- Die Minister van Gesondheid en Maatskaplike Dienste, dr. Libertine Amathila, het me. Hilen Ndjaba gelukgewens nadat sy Woensdagaand in die Windhoekse Staatshospitaal ma van ’n vierling geword het.
- Die kop van genl. Dimo Hamaambo, hoof van die Namibiese Weermag, word geëis in die jongste wending rondom die grensdispuut tussen Namibië en Botswana.
- Goeie reën het verlede week oor groot dele van Namibië uitgesak terwyl die Oranjerivier in ’n tweede vloed sedert gister die see instroom. ’n Derde vloed word voorspel.
- Altesame ses politieke partye en agt organisasies en verenigings het hulle vir deelname aan die plaaslike verkiesings op 16 Februarie geregistreer.
Dinsdag 20 Januarie 1998
- Hernieude eise deur staatsamptenare op algemene salarisaanpassings van tot 20% is gister met gemengde seine deur die hoogste gesag in die Regering begroet.
- Die Namibiese Weermag (NDF) het gister in trurat gespring oor genl. Dimo Hamaambo, Hoof van die Weermag, se beweerde rol in die Situngu-eilandgeskil met Botswana.
- Die hoogs emosionele debat oor die grondkwessie het die afgelope naweek nuwe momentum gekry nadat die president van die Nasionale Unie van Namibiese Werkers (NUNW), mnr. Ponhele YaFrance, met die afsluiting van die vakbond se kongres gesê het die Regering moet die Grondwet sodanig wysig dat grond sonder vergoeding onteien kan word van almal wat meer as een plaas besit.
Woensdag 21 Januarie 1998
- Die regering gaan ’n eis van etlike miljoene dollars deur ’n plaaslike invoerder van motors en monteermaatskappy in die Hoërhof teenstaan.
- ’n Grootskeepse ondersoek is die naweek in Windhoek deur die Polisie se eenheid vir die voorkoming van ernstige misdaad van stapel gestuur na die beweerde diefstal van N$820 000 kontant van Coin Security.
- Die lot van die Russies-vervaardigde Iljoesin 76-vragvliegtuig op die Internasionale Lughawe Windhoek bly onbekend. Intussen hoop die uitstaande rekening vir staanplek op die lughawe op.
Donderdag 22 Januarie 1998
- Sewe mense het laat gistermiddag die dood op wonderbaarlike wyse vrygespring nadat twee bakkies naby die Windhoek Sentrale Hospitaal in ’n grubotsing betrokke was.
- Konstruksiewerk aan die gasaangedrewe kragsentrale van bykans N$1 000 miljoen op Oranjemund gaan na verwagting vroeg in die jaar 2000 begin terwyl sowat 500 mense by dié bouprojek betrokke gaan wees.
- ’n Krisistoestand heers in die Dosa-nedersetting in Okavango nadat ’n familie van 13 byna totaal deur ‘n geheimsinnige siekte uitgewis is.
Vrydag 23 Januarie 1998
- Die voorpunt van Russiese militêre hulp, wat klaarblyklik vroeg verlede jaar in Windhoek deur die Staatshuis en ’n afvaardiging van die Russiese geheime diens onderhandel is, het in die vorm van ’n reuse-voorraad wapentuig in die hawe van Walvisbaai aangekom.
- Vertroue in die toekoms van demokrasie in die land het vir die meerderheid Namibiërs in duie gestort.
- ’n Suid-Afrikaanse vragvliegtuig wat op ’n vlug was na die diamantgebied van Angola, is Woensdag deur die Angolese lugmag onderskep.
- Die Minister van Gesondheid en Maatskaplike Dienste, dr. Libertine Amathila, het me. Hilen Ndjaba gelukgewens nadat sy Woensdagaand in die Windhoekse Staatshospitaal ma van ’n vierling geword het.
Kommentaar
Republikein
Geen kommentaar is op hierdie artikel gelaat nie