20 jaar gelede

Maandag 10 Mei 1999• Die visserysektor is besig om hom as die tweede grootste bydraer tot die bruto nasionale produk te vestig.• Selfs met 28 persent van die nasionale begroting wat vir opvoeding aangewend word, word die grootste deel daarvan aan salarisse betaal wat veroorsaak dat min vordering op onderwysgebied gemaak word.• 'n Sleepwa met 'n vrag witmielies van graad 1-gehalte het Vrydagoggend naby Windhoek omgeslaan en inwoners van die stad en Rehobothers onderweg na Windhoek het binne anderhalfuur 10 ton mielies op die toneel gesteel.• 'n Omgewingsimpakstudie is voltooi oor 'n roete vir 'n 400 kV-kraglyn van Keetmanshoop af om die Skorpion-sinkmyn in die Suide so gou as moontlik van betroubare krag te voorsien.Dinsdag 11 Mei 1999 • Ingrypende voorsorgmaatreëls sal getref moet word om te verseker dat Namibië nie die dodelike groenaap-siekte (Marburg-virussiekte) onwetend in die land invoer nie.• Die nadelige uitwerking van aanvalle op toeriste in die land se ekonomie is gister in die land se hoogste wetgewende liggaam beklemtoon.• 'n Komitee wat Namwater se kliënte langs die kus verteenwoordig, gaan saamgestel word om die deursigtigheid van die ontsoutingsprojek te ondersoek en indringende samesprekings met die verskaffer oor tariefverhogings te voer.Woensdag 12 Mei 1999• Ontsteltenis oor sommige buitelandse farmaseutiese maatskappye wat sonder beraadslaging met Namibië patenteregte gekry het om inheemse plante kommersieël uit te buit, is deur plantkundiges van die Nasionale Botaniese Navorsingsinstituut (NBRI) uitgespreek.• Malaria het 225 lewens van Januarie tot Maart in Namibië geëis.• 'n Jong meisie van Otjiwarongo het 'n argument van twee jaar gelede tussen verteenwoordigers van 'n katedraal in Xaten, Duitsland, en mnr. Emil Underberg, eienaar van die maatskappy wat die bekende Underberg-kruielikeur vervaardig, tot haar kerk se voordeel ingespan.Donderdag 13 Mei 1999• Hemelvaartdag (geen koerant)Vrydag 14 Mei 1999• Die toename in misdaad gepaard met die finansiële krisis waarin die Ministerie van Justisie hom bevind, is besig om die regstelsel van Namibië tot op die randjie van ineenstorting te dryf.• 'n Onvoorsiene tegniese probleem met Nampower se 400kV-kraglyn wat van Suid-Afrika af aangelê is, sal vereis dat tegnologie ter waarde van sowat N$112 miljoen naby Windhoek by die beoogde Auas-subkragstasie aangebring word om te verseker dat betroubare krag aan Namibië voorsien kan word.• Met inbegrip van onvoldoende beleggings in onderwys voor onafhanklikwording, kan die Regering se aansienlike besteding aan onderwys geregverdig word as dit nie was vir die feit dat die huidige stelsel ondoeltreffend, ongelyk en verkwistend is nie.

20 jaar gelede

Kommentaar

Republikein 2026-05-05

Meld asseblief aan om kommentaar te lewer

20 jaar gelede

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.