20 jaar gelede…

Maandag 5 Julie 1999• Namibië is op die kortlys van oorweging vir die oprigting van 'n monteerfabriek van die Maleisiese nasionale motor, die Proton.• 'n Tussentydse hofbevel verbied steeds die NBC om 'n program uit te saai waarin die beweerde skelmstreke van twee Windhoekse beslote korporasies in die kollig kom as synde net daarop uit om geld te maak sonder om dié dienste te lewer waarvoor kliënte hulle betaal.• Twee Franse toeriste is Saterdag op slag dood en twee ernstig beseer toe die motor waarin hulle gery het op die pad tussen Sesfontein en Opuwo omgeslaan het. Dinsdag 6 Julie 1999• 'n Brandstofprysverhoging aanstaande week is 'n onheilspellende voorbode tot 'n reeks prysverhogings wat oor die breedste front teen Namibiërs aanjaag.• Dosente aan die fakulteit: verpleegkunde van die Universiteit van Namibië was gister genoodsaak om kos te koop vir hul studente aangesien dié studente sedert Vrydag nie meer toegelaat word om in die eetsale by die Katutura-hospitaal en Windhoek Sentrale Hospitaal te eet nie.• Skokkende onthullings oor satanisme in die Windhoek Sentrale Gevangenis het gister aan die lig gekom. Woensdag 7 Julie 1999• Die Ministerie van Gesondheid en Maatskaplike Dienste hou onwrikbaar by sy besluit om voortaan nie meer eerstejaar- verpleegstudente as werknemers aan te stel en maandeliks te vergoed vir die sestien ure wat hulle weekliks in hospitale werk nie.• 'n Brief in 'n boedel wat uit 1947 dateer en 'n posbusnommer wat nog steeds in die naam van dieselfde familie is, het 'n Duitse familie in Namibië en Duitsland ná 52 jaar herenig.• Die repatriasie van Namibiërs uit Botswana sal die VVO se Hoë Kommissaris vir Vlugtelinge (UNHCR) meer as N$1 miljoen kos. Donderdag 8 Julie 1999• Die winsgewendheid van Namibië se enigste goudprodusent, die Navachab-myn buite Karibib, is in die gedrang nadat goud gister teen ongeveer 257 Amerikaanse dollar per ons byna sy laagste prys in twintig jaar bereik het.• Satanisme is besig om daagliks sy greep op die Namibiese gemeenskap te versterk, volgens skokkende onthullings oor dié euwel wat gister deur 'n bekeerde satanis teenoor Republikein 2000 gemaak is.• Otavi se waterkrisis van die afgelope maande het Dinsdag sy tweede slagoffer geëis toe 'n woonhuis op die dorp tot op die grond afgebrand het.• Bobby-Jo Bassingthwaighte van Mariental is die eerste Namibiese swemster om die Engelse Kanaal oor te steek. Vrydag 9 Julie 1999• Dissipline in Namibiese skole is deesdae eerder die uitsondering as die norm, terwyl vandalisme skokkende afmetings aanneem.• Die waterkrisis op Rehoboth het die dorpsraad op die drumpel van likwidasie.

20 jaar gelede…

Kommentaar

Republikein 2025-08-06

Meld asseblief aan om kommentaar te lewer

20 jaar gelede…

Kommentaar

Republikein 2025-08-06

Meld asseblief aan om kommentaar te lewer

MELD AAN

Advertensie