20 Jaar Gelede

Maandag 24 Augustus 1998• Namibië het weer 'n wêreldkampioen in sport! Presies vyf jaar nadat Frankie Fredericks die 200m-titel in atletiek gewen het, het Harry Simon die houer van die Wêreldboksorganisasie se junior middelgewigkroon geword.• Teen gisteraand was Namibië aan albei kante van die speelveld besig in 'n soeke na 'n oplossing vir die DRK-kwessie met 'n groep Ministers wat 'n vreedsame oplossing vir die oorlog saam met Suid-Afrika nastreef en 'n faksie wat hulle voorberei op fisiese militêre hulp.• Dodelike en gevreesde Kongo-koors het 'n boer van Gobabis platgetrek nadat hy dié virale koors vermoedelik ná die byt deur 'n bosluis opgedoen het. Dinsdag 25 Augustus 1998• Die DTA van Namibië het gister in 'n politieke noodoperasie sy president, mnr. Mishake Muyongo, geskors, maar geen besluit oor sy voortgesette parlementêre status geneem nie. • Namibiërs sal nog 48 uur moet wag om te hoor wat die land se standpunte oor en betrokkenheid by die bloedige Kongo-opstand is wat nou feitlik 'n volskaalse oorlog in Sentraal- en lande van Suider-Afrika ontketen het. • Die Duitse regering het verlede week 21 M.A.N.-vragmotors aan die Ministerie van verdediging geskenk. Woensdag 26 Augustus 1998 HeldedagDonderdag 27 Augustus 1998• Die eerste Namibiese soldate moes duisende kilometers van hul tuistes met hul lewens in die burgeroorlog in die Demokratiese Republiek van die Kongo boet. Verder is verskeie NDF-soldate op die Kongolese oorlogsfront gister as vermis aangegee. • Namibië kan 'n ernstige krisis in die gesig staar indien die regering van president Laurent Kabila in Demokratiese Republiek van die Kongo (DRK) tot 'n val gebring word.• President Sam Nujoma het gisteroggend onverwags sy vertrouelinge in die verleentheid gestel met 'n openbare aankondiging oor Namibië se militêre betrokkenheid in die DRK. Vrydag 28 Augustus 1998• Te midde van onsekerheid oor die afvoer van die eerste Namibiese ongevalle en gewondes uit die Demokratiese Republiek van die Kongo gaan die NDF voort met sy massa-uitvoer van soldate, wapens en ammunisie na die oorloggeteisterde land.• Die masker is af oor Swapo se binnekring-konflik oor Namibië se betrokkenheid by die DRK-rebellie, die derde termyn vir President Sam Nujoma en 'n algemene leierskapkrisis met die skielike bedanking van mnr. Ben Ulenga.• President Sam Nujoma het Namibië gister op 'n nuwe Pan-Afrikanistiese pad geplaas met nouer bande tussen Afrikalande en die uitwissing van buitelandse invloede in Afrika.

20 Jaar Gelede

Kommentaar

Republikein 2026-05-05

Meld asseblief aan om kommentaar te lewer

20 Jaar Gelede

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.