20 jaar gelede
MAANDAG 28 APRIL 1997
• Vraagtekens hang reeds oor die lewensvatbaarheid van die volstruisprojek wat Vrydag in Keetmanshoop onthul is. Saam met die reuse projek op Mariental , bestaan kommer oor die bemarkbaarheid van die groot getalle volstruise en volstruisprodukte wat Namibiese sakelui in die vooruitsig stel.
• Omvattende beleid rakende wetgewing oor verskerpte beheermaatreëls by grensposte tussen Namibië en Zambië sal binnekort deur die onderskeie regerings onderteken word om oorgrensbeweging en smokkelary hok te slaan.
DINSDAG 29 APRIL 1997
• 'n Propagandabrief wat die vorm van 'n kettingbrief aanneem, word sedert Maart vanjaar deur 'n internasionale aktivistegroep aan toer- en safarileiers in die land versprei in 'n poging om teenkanting te wek teen Namibië se voorstel om met sy opgebergde ivoor handel te dryf.
• Windhoekers word ernstig gewaarsku teen skelms wat hulle voordoen as munisipale werknemers ten einde toegang tot huise in die stad te verkry.
• Mediese personeel loop geen groter risiko as die algemene publiek om HIV of vigs op te doen nie.
WOENSDAG 30 APRIL 1997
• Swapo se binnekring en parlementêre onmin dreig om op die vooraand van die party se kongres te ontplof. Party-eenheid kan uit werkersgeledere aan skerwe lê.
• Vooruitsigte vir vryheid van spraak in die Suider-Afrikaanse Ontwikkelingsgemeenskap (SADC) is steeds sleg, al is die Verklaring van Windhoek oor die Bevordering van 'n Onafhanklike en Pluralistiese Media ses jaar gelede van stapel gestuur.
DONDERDAG 1 MEI 1997
GEEN KOERANT - WERKERSDAG
VRYDAG 2 MEI 1997
• Meidag-vieringe met 'n mengsel van die uitdaging van owerheidsgesag, dreigemente van politieke vergelding teen Kabinetslede en beskuldigings van ministeriële pligsversuim, het gister in Windhoek Swapo op die vooraand van sy kongres op die rand van 'n leierskapkrisis laat wankel.
• Biltonglose Saterdagmiddae voor die kassie of op die pawiljoen langs die sportveld, is binnekort hopelik iets van die verlede met die jaarlikse jagseisoen wat op hande is.
• Namibië is blykbaar 'n teelaarde vir swendelary omdat die ekonomie swak en mense in nood vir geld is.
• 'n Sogenaamde staatsaanklaer by die landdroshof op Lüderitz, wat beweer hy het 'n B. Juris-graad aan 'n Suid-Afrikaanse universiteit verwerf, word nou van bedrog aangekla.
SONDAG 4 MEI 1997
• Waaghalsigheid wat aan misdadige astrantheid grens, het 'n kassier van 'n bank in Klein Windhoek in die stad se spitsure in die koue loop van 'n 9 mm-pistool laat vaskyk. Die eis was sy lewe of die geldlaai met voorskotte en ontvangste.
• Namibië se groot rugby van die seisoen kan ook sy grootste verleentheid word met spelersverset wat oormôre op die die spits gedryf kan word.
• Vernuftige speurwerk deur 'n polisieman verbonde aan die Windhoekse distriksondersoekeenheid het Vrydag tot die arrestasie van twee veediewe gelei.
• Vraagtekens hang reeds oor die lewensvatbaarheid van die volstruisprojek wat Vrydag in Keetmanshoop onthul is. Saam met die reuse projek op Mariental , bestaan kommer oor die bemarkbaarheid van die groot getalle volstruise en volstruisprodukte wat Namibiese sakelui in die vooruitsig stel.
• Omvattende beleid rakende wetgewing oor verskerpte beheermaatreëls by grensposte tussen Namibië en Zambië sal binnekort deur die onderskeie regerings onderteken word om oorgrensbeweging en smokkelary hok te slaan.
DINSDAG 29 APRIL 1997
• 'n Propagandabrief wat die vorm van 'n kettingbrief aanneem, word sedert Maart vanjaar deur 'n internasionale aktivistegroep aan toer- en safarileiers in die land versprei in 'n poging om teenkanting te wek teen Namibië se voorstel om met sy opgebergde ivoor handel te dryf.
• Windhoekers word ernstig gewaarsku teen skelms wat hulle voordoen as munisipale werknemers ten einde toegang tot huise in die stad te verkry.
• Mediese personeel loop geen groter risiko as die algemene publiek om HIV of vigs op te doen nie.
WOENSDAG 30 APRIL 1997
• Swapo se binnekring en parlementêre onmin dreig om op die vooraand van die party se kongres te ontplof. Party-eenheid kan uit werkersgeledere aan skerwe lê.
• Vooruitsigte vir vryheid van spraak in die Suider-Afrikaanse Ontwikkelingsgemeenskap (SADC) is steeds sleg, al is die Verklaring van Windhoek oor die Bevordering van 'n Onafhanklike en Pluralistiese Media ses jaar gelede van stapel gestuur.
DONDERDAG 1 MEI 1997
GEEN KOERANT - WERKERSDAG
VRYDAG 2 MEI 1997
• Meidag-vieringe met 'n mengsel van die uitdaging van owerheidsgesag, dreigemente van politieke vergelding teen Kabinetslede en beskuldigings van ministeriële pligsversuim, het gister in Windhoek Swapo op die vooraand van sy kongres op die rand van 'n leierskapkrisis laat wankel.
• Biltonglose Saterdagmiddae voor die kassie of op die pawiljoen langs die sportveld, is binnekort hopelik iets van die verlede met die jaarlikse jagseisoen wat op hande is.
• Namibië is blykbaar 'n teelaarde vir swendelary omdat die ekonomie swak en mense in nood vir geld is.
• 'n Sogenaamde staatsaanklaer by die landdroshof op Lüderitz, wat beweer hy het 'n B. Juris-graad aan 'n Suid-Afrikaanse universiteit verwerf, word nou van bedrog aangekla.
SONDAG 4 MEI 1997
• Waaghalsigheid wat aan misdadige astrantheid grens, het 'n kassier van 'n bank in Klein Windhoek in die stad se spitsure in die koue loop van 'n 9 mm-pistool laat vaskyk. Die eis was sy lewe of die geldlaai met voorskotte en ontvangste.
• Namibië se groot rugby van die seisoen kan ook sy grootste verleentheid word met spelersverset wat oormôre op die die spits gedryf kan word.
• Vernuftige speurwerk deur 'n polisieman verbonde aan die Windhoekse distriksondersoekeenheid het Vrydag tot die arrestasie van twee veediewe gelei.
Kommentaar
Republikein
Geen kommentaar is op hierdie artikel gelaat nie