20 Jaar Gelede

Maandag 11 Oktober 1999• Die moontlikheid is groot dat die moordenaar of moordenaars van die Swapo-aktivis adv. Anton Lubowski op grond van tegniese regspunte dalk nooit verhoor kan word nie.• As 'n beklemtoning van die Nujoma-houvas op Swapo se politieke verteenwoordiging in die Regering sal byna die helfte van Swapo se verteenwoordigers in die nuwe Parlement deur die President aangewys word.Dinsdag 12 Oktober 1999• Die uurglas vir die verkoop van die TCL-myne loop oor drie dae leeg wanneer 'n Australiese myngroep se voorleggingsreg verstryk en waarborge vir die koopsom op die tafel moet lê.• Onverdraagsaamheid en selfverryking deur Swapo se topbestuur het die voormalige Adjunk-minister van Inligting en Uitsaaiwese, mnr. Ignatius Shixwameni, finaal oortuig om die party te verlaat.• Vrae oor die wenslikheid van Namibië se jongsta para-militêre eenheid het Vrydag ontstaan toe pres. Sam Nujoma die Nasionale Jeugdiensskema in Windhoek ingehuldig het.Woensdag 13 Oktober 1999• Belasting op Toegevoegde Waarde (BTW) van 15 persent op algemene goedere kan teen die helfte van aanstaande jaar 'n werklikheid wees as plaasvervanger vir koopbelasting (AVB) en koopheffings (ASD).• Regulasies vir die registrasie van mikroleners beweeg vanmiddag nog 'n stap nader aan inwerkingstelling met die voorsetting van die tweedelesingsdebat oor dié omstrede onderwerp in die Nasionale Vergadering.• Die aarde se sesmiljardste inwoner is gister drie minute ná middernag in Sarajevo gebore.Donderdag 14 Oktober 1999• Twee vroue word elke uur in Namibië verkrag in 'n toenemende golf van geweld wat teen vroue en kinders aanrol.• Vandeesweek se drastiese brandstofprysverhogings het skokgolwe deur Namibië se reeds sukkelende ekonomie gestuur.• 'n Reuseklok sal binnekort in die Windhoekse middestad aangebring word om die laaste dae en minute tot die nuwe millennium af te tel.Vrydag 15 Oktober 1999• Geoffrey Mwilima, vermeende Caprivi-afstigtersrebel en voormalige DTA-parlementslid, het gister in die Grootfonteinse streekhof die volle gru-verhaal van sy marteling vroeg in Augustus op Katima Mulilo vertel.• Verhoogde petrolpryse, 'n beweerde dosis venyn en 'n treksel onregverdigheid is die drie bestanddele in 'n sluimerende oorlog oor saamrygeleenthede tussen Rehoboth en Windhoek.• 'n Ope uitnodiging is gerig aan alle Namibiërs met 'n belang in die grondkwessie om met voorstelle en kommentaar oor die wetsontwerp oor kommunale grondhervorming vorendag te kom.• Spanning is aan die oplaai op die grens tussen Namibië en Angola.

20 Jaar Gelede

Kommentaar

Republikein 2025-12-08

Meld asseblief aan om kommentaar te lewer

20 Jaar Gelede

Kommentaar

Republikein 2025-12-08

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.