20 jaar gelede

Maandag 2 Julie 2001- Die omstrede afdankingslys van die besturende direkteur van Air Namibia, dr. Jaafar bin Ahmad, met ’n salaris van sowat N$125 000 per maand, het in sy gesig ontplof.- Konfrontasie tussen die munisipale raad en inwoners van Keetmanshoop blyk onvermydelik te wees nadat die raad Donderdag sy besluit herbevestig het om agterstallige skulde van nagenoeg N$6 miljoen op munisipale dienste te herwin.- Rehoboth se verkiesing van munisipale raadslede is die naweek vir die tweede keer in twee weke in omstredenheid gedompel.Dinsdag 3 Julie 2001- Konflik is aan die opbou tussen die voorsitter van die NBC-direksie, mnr. Uaziuva Kaumbi, en die korporasie se bestuur oor ’n moontlike vennootskap met ’n nuwe televisie-onderneming, Desert Entertainment Television (Destv).- Air Namibia se groep van twaalf afgedanktes gaan hulle aansluit by die groeiende nasionale eis om ’n kommissie van ondersoek na verskeie aangeleenthede by die nasionale lugredery.Woensdag 4 Julie 2001- ’n Klagskrif aan pres. Sam Nujoma en verskeie senior ministers was gisteroggend voor die kabinetsitting ’n eis om ’n kommissie van ondersoek na verskeie lugvaartooreenkomste wat die afgelope tyd deur ’n uitgesoekte Air Namibia-groep in veral Sentraal-Afrika aangegaan is.- Die Australiese regterhand van die Maleisiese baas van Air Namibia, mnr. Geoffrey Bowmaker, beskuldig die Namibiese Regering vir die mislukking van ’n beplande uitbreiding van dienste na Uganda.- Die Nasionale Behuisingsonderneming (NHE) het ná gunstige reaksie op oorlegpleging met aandeelhouers rentekoersverlagings van tot 3,5% op nuwe huislenings aangekondig. Dit tree vandag in werking.Donderdag 5 Julie 2001- Nog ’n kommersiële boer staan daarvan aangekla dat hy ’n werker onregverdig behandel en uit sy diens ontslaan het, terwyl die boer – ’n gesiene sakeman volhou dat hy binne sy regte opgetree en sy belange beskerm het.- Semi-staatsinstellings word in die eerste regstellende aksieverslag deur die Kommissie van Billike Werkverskaffing op die vingers getik omdat nie-Namibiërs in “laevlak” – poste aangestel word waarvoor buitelandse kundigheid oorbodig is.Vrydag 6 Julie 2001- Midde-in ’n regeringsreddingspoging van N$30 miljoen om Air Namibia van ondergang te red is twee nuwe straalvliegtuie ter waarde van sowat N$220 miljoen in Duitsland gekoop nadat ’n verhuringsaanbod van Suid-Afrika vir twee van dieselfde soort vliegtuie verwerp is.- Die grootste nasionale mobilisasieprojek in Namibië se geskiedenis is uit Staatshuis onderweg om ’n uiteindelike nasionale visie vir die land in die jaar 2030 te vestig.- Die Regering en die versekeringsbedryf in Namibië het Woensdag die strydbyle begrawe met die ondertekening van ’n geskiedkundige ooreenkoms tussen die staat, die Namibiese Nasionale Herversekeringskorporasie (NamibRe) en die Namibiese Versekeringsvereniging (NIA).

20 jaar gelede

Kommentaar

Republikein 2025-05-02

Meld asseblief aan om kommentaar te lewer

20 jaar gelede

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie