20 Jaar Gelede
Maandag 30 November 1998
- Duisende Namibiërs trek vandag en môre hul kruisies in die land se tweede verkiesing vir streekrade.
- ’n Soektog na ses mans is van stapel gestuur nadat ’n boot met tien persone aan boord Donderdagaand op pad na die Lüderitz-hawe omgeslaan het.
- Stamkonflik wat die Mafwe-stam nog verder kan laat skeur, dreig oor die vervanging van Opperhoof Boniface Mamili wat na Botswana gevlug het.
Dinsdag 1 Desember 1998
- Ondanks probleme het die eerste stemdag van die streekraadverkiesings gister landwyd vreedsaam verloop.
- Namibië se netto nasionale rykdom is gister met honderde miljoene versterk met die geskiedkundige primêre notering van Sanlam op die Namibiese en Johannesburgse aandelebeurse.
- Die verkiesing in die Khomas-streek is gister in omstredenheid gedompel en kan die onderwerp van ’n hofgeding tussen die partye en die Verkiesingskommissie word.
Woensdag 2 Desember 1998
- Aansprake deur die amptelike opposisie dat vrye en regverdige verkiesings in Caprivi onmoontlik sou wees het gister ooglopend geword met voorlopige aanduidinge dat minder as 5 persent van die ongeveer 27 000 geregistreerde kiesers gestem het.
- Namibië sal baat by die splinternuwe handelsinisiatiewe vir die Suider-Afrikaanse Ontwikkelingsgemeenskap wat gister deur die Amerikaanse minister van handel, mnr. William Daly, in Kaapstad van stapel gestuur is.
- Die beplande massa-uittog van veral skoliere uit die Caprivi-streek na Botswana het nie werklikheid geword nie, maar Namibië verlaat steeds die streek om politieke asiel in die buurland te vra.
Donderdag 3 Desember 1998
- Voorlopige uitslae van Namibië se tweede streeksverkiesing dui op ’n wegholoorwinning vir Swapo ondanks kommerwekkende lae stempersentasies landwyd.
- Die Post Parkade, ’n multi-miljoen dollar ontwikkelingsprojek van die munisipaliteit van Windhoek in die sentrale sakegebied van die hoofstad, word vandag te midde van groot omstredenheid amptelik in gebruik geneem.
- Stampriet staar vir die eerste keer in menseheugenis ’n ernstige waterkrisis in die gesig weens skerp dalings in die watertafel van die fonteinryke distrik.
Vrydag 4 Desember 1998
- ’n Nywerheidsreus in die Namibiese vleisbedryf het gistermiddag miljoene dollars se skade gely toe ’n kortsluiting vermoedelik die elektriese toevoerkamer van Meatco op Okahandja in puin gelê het.
- Bejaardes in Namibië is die teikens van die eerste ná-verkiesingskok wat die land gister getref het.
- Welkome reën oor dele van die Suide van Namibië het gisteroggend ’n stuk van die treinspoor tussen Keetmanshoop en Karasburg weggespoel.
- Duisende Namibiërs trek vandag en môre hul kruisies in die land se tweede verkiesing vir streekrade.
- ’n Soektog na ses mans is van stapel gestuur nadat ’n boot met tien persone aan boord Donderdagaand op pad na die Lüderitz-hawe omgeslaan het.
- Stamkonflik wat die Mafwe-stam nog verder kan laat skeur, dreig oor die vervanging van Opperhoof Boniface Mamili wat na Botswana gevlug het.
Dinsdag 1 Desember 1998
- Ondanks probleme het die eerste stemdag van die streekraadverkiesings gister landwyd vreedsaam verloop.
- Namibië se netto nasionale rykdom is gister met honderde miljoene versterk met die geskiedkundige primêre notering van Sanlam op die Namibiese en Johannesburgse aandelebeurse.
- Die verkiesing in die Khomas-streek is gister in omstredenheid gedompel en kan die onderwerp van ’n hofgeding tussen die partye en die Verkiesingskommissie word.
Woensdag 2 Desember 1998
- Aansprake deur die amptelike opposisie dat vrye en regverdige verkiesings in Caprivi onmoontlik sou wees het gister ooglopend geword met voorlopige aanduidinge dat minder as 5 persent van die ongeveer 27 000 geregistreerde kiesers gestem het.
- Namibië sal baat by die splinternuwe handelsinisiatiewe vir die Suider-Afrikaanse Ontwikkelingsgemeenskap wat gister deur die Amerikaanse minister van handel, mnr. William Daly, in Kaapstad van stapel gestuur is.
- Die beplande massa-uittog van veral skoliere uit die Caprivi-streek na Botswana het nie werklikheid geword nie, maar Namibië verlaat steeds die streek om politieke asiel in die buurland te vra.
Donderdag 3 Desember 1998
- Voorlopige uitslae van Namibië se tweede streeksverkiesing dui op ’n wegholoorwinning vir Swapo ondanks kommerwekkende lae stempersentasies landwyd.
- Die Post Parkade, ’n multi-miljoen dollar ontwikkelingsprojek van die munisipaliteit van Windhoek in die sentrale sakegebied van die hoofstad, word vandag te midde van groot omstredenheid amptelik in gebruik geneem.
- Stampriet staar vir die eerste keer in menseheugenis ’n ernstige waterkrisis in die gesig weens skerp dalings in die watertafel van die fonteinryke distrik.
Vrydag 4 Desember 1998
- ’n Nywerheidsreus in die Namibiese vleisbedryf het gistermiddag miljoene dollars se skade gely toe ’n kortsluiting vermoedelik die elektriese toevoerkamer van Meatco op Okahandja in puin gelê het.
- Bejaardes in Namibië is die teikens van die eerste ná-verkiesingskok wat die land gister getref het.
- Welkome reën oor dele van die Suide van Namibië het gisteroggend ’n stuk van die treinspoor tussen Keetmanshoop en Karasburg weggespoel.
Kommentaar
Republikein
Geen kommentaar is op hierdie artikel gelaat nie