20 jaar gelede

Maandag 13 Augustus 2001- Beweerde bedrog en wanvoorstelling deur amptenare van verskeie ministeries het reeds die beoogde nasionale sensus in omstredenheid gedompel.- In wat as ’n eerste vir Namibië beskou kan word, het werkers van die Unie van Staatsdienswerkers in Namibië (PSUN) ’n dispuut verklaar met die unie waarvoor hulle werk.- Ondanks redelik belowende ekonomiese groei in die Suider-Afrikaanse Ontwikkelingsgemeenskap (SADC) en vordering met die vredesproses in die Demokratiese Republiek van Kongo (DRK) die afgelope twaalf maande, staar die streekliggaam ernstige uitdagings in die gesig met die aanvang van die spitsberaad wat gister in die Malawiese hoofstad, Lilongwe afgeskop het.Dinsdag 14 Augustus 2001- Tien staatshoofde van SADC het gister agter geslote deure in Lilongwe vergader om besonderhede oor die herstrukturering van die streekliggaam te besin, en kwessies soos MIV/vigs, armoede en konflik te bespreek.- Die seun van ’n senior bevelvoerder in die Namibiese Polisie wat verlede jaar weens gewapende roof tot tronkstraf van vyf jaar gevonnis is, het gister in die Hoërhof appél teen sy vonnis aangeteken.- Mediadekking oor gesondheidsaangeleenthede het die afgelope jaar merkwaardig verbeter, maar die Minister van Gesondheid en Maatskaplike Dienste, dr. Libertina Amathila, meen Namibiese joernaliste moet die aanwending van statistieke vir sensasie stopsit.Woensdag 15 Augustus 2001- Somberheid hang oor SADC met hernieude buitelandse skeptisisme jeens die streek vanweë die verslegtende situasie in Zimbabwe.- Die verkiesing van pres. Joaquim Chissano van Botswana as die nuwe voorsitter van SADC se orgaan vir politiek, veiligheid en verdediging, is ’n aanduiding dat konsensus in die leierskap van SADC bereik is ten koste van pres. Robert Mugabe van Zimbabwe.- Ongeveer 70 miljoen jongmense in die wêreld het geen werk nie. Die ouderdomsgroep 15 tot 24 jaar verteenwoordig 40 persent van die wêreld se werkloses.Donderdag 16 Augustus 2001- Die vestiging van ’n olieraffinadery aan die Namibiese kus kan binne die volgende twee jaar ’n werklikheid word.- Namibië dring daarop aan ’n internasionale vergoedingskema vir die slagoffers van slawehandel, en ander transnasionale rassistiese beleidsrigtings en optrede word ingestel.- Namibië sal in die afsienbare toekoms in sy hoedanigheid as lid van die troika van SADC ’n betekenisvolle rol speel in die soeke na oplossings vir die probleme in Zimbabwe.Vrydag 17 Augustus 2001- ’n Gesamentlike en blywende oplossing vir die grondkwessie in Namibië is moontlik.- Die Regering bevind hom voor die ultimatum om voor Maandag by slepende onmin in TransNamib in te gryp of deur ’n landwye staking by die nasionale vervoerinstelling in die gesig gestaar te word.

20 jaar gelede

Kommentaar

Republikein 2025-08-04

Meld asseblief aan om kommentaar te lewer

20 jaar gelede

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie