20 Jaar Gelede
Maandag 1 Februarie 1999
- ’n Blitsbesoek aan Windhoek gister deur pres. Laurent Kabila van die Demokratiese Republiek van Kongo en oplaaiende spanning tussen Angola en Zambië oor beweerde hulpverlening deur Lusaka aan Unita-rebelle, plaas Namibië in ’n gunstige posisie om die vredespogings in die DRK te red.
- ’n Verskerping van vyandigheid en ’n volskaalse oorlog in Angola, kan verreikende gevolge vir Namibië inhou.
- In een van die vieslikste voorvalle nog by ’n Namibiese sportveld is ’n gewese visepresident van die Namibiese Rugby-unie, mnr. George Hill, Saterdag by die Nasionale Rugbyklubkampioenskap met ’n mes gesteek.
Dinsdag 2 Februarie 1999
- Die verslag van die Verenigde Volke se Vlugtelingekommissaris (UNHCR) oor die aansoek om politieke asiel van 2 100 Namibiërs in Botswana, sou vandag op die laatste aan die Botswana-regering oorhandig word.
- Die Wetsontwerp op Diamante het gister skerp kritiek uitgelok toe getuienis voor die Parlementêre Komitee oor Natuurlike Hulpbronne dit as van drakonies tot ongrondwetlik uitgemaak het.
- Met die uitsondering van enkele tegniese aspekte is die pad Sondag tydens die Kabila-besoek aan pres. Sam Nujoma berei vir die ondertekening van ’n staakvuurooreenkoms in die Demokratiese Republiek van Kongo.
Woensdag 3 Februarie 1999
- Die plaaslike impak van Ou Mutual se demutualisering teen die middel van 1999 is gelykstaande aan sowat 2,6 persent van Namibië se bruto binnelandse produk en die notering van dié maatskappy sal Namibië se nasionale rykdom met tussen N$300 en N$400 miljoen vergroot.
- Terkortkominge kniehalter die vooruitgang waarop Namibiërs sedert onafhanklikwording hoop. In dié verband moet die verskillende ministeries hul sokkies optrek en hul huise in orde bring.
- Verskeie voorstelle en riglyne vir regstellende stappe is gedoen op ’n vergadering waarop die Ministerie van Basiese Onderwys en Kultuur onder skoot gekom het na aanleiding van probleme wat met die uitslae van matriekeksamens ondervind is.
Donderdag 4 Februarie 1999
- Ingrypende regeringsoptrede kom om potensiële politieke misbruik in die benutting van Namibië se vernaamste ekonomiese hulpbron, die visbedryf, hok te slaan.
- Inwoners van Okahandja het ’n rower en sy buit van N$125 000 aangekeer nadat hy ’n vrou op die dorp beroof en op die vlug geslaan het.
- Dit skyn een tree vorentoe en twee treë agtertoe te wees met die vredesproses vir die Demokratiese Republiek van Kongo (DRK).
Vrydag 5 Februarie 1999
- Die politieke en ekonomiese muur van invloed wat oor minstens ’n dekade in Namibië die beweerde internasionale Mafia-baas, Vito Palazollo alias Robert Von Palace-Kolbachenko moes beskerm, het dramaties ineengestort.
- Die spreekwoordelike bom het in die geledere van leerkragte by die Hoër Tegniese skool in Windhoek gebars weens ’n geskil oor die toekenning van bonusse en ’n beweerde uitlating van die voorsitter van die skoolkomitee, mnr. Flip Smit, dat daar ’n “vrot kol” onder hulle bestaan.
- ’n Huurooreenkoms vir ’n satellietpolisiekantoor in Klein Windhoek sal na verwagting binnekort deur die Namibiese Polisie en die Windhoekse stadsraad onderteken word.
- ’n Blitsbesoek aan Windhoek gister deur pres. Laurent Kabila van die Demokratiese Republiek van Kongo en oplaaiende spanning tussen Angola en Zambië oor beweerde hulpverlening deur Lusaka aan Unita-rebelle, plaas Namibië in ’n gunstige posisie om die vredespogings in die DRK te red.
- ’n Verskerping van vyandigheid en ’n volskaalse oorlog in Angola, kan verreikende gevolge vir Namibië inhou.
- In een van die vieslikste voorvalle nog by ’n Namibiese sportveld is ’n gewese visepresident van die Namibiese Rugby-unie, mnr. George Hill, Saterdag by die Nasionale Rugbyklubkampioenskap met ’n mes gesteek.
Dinsdag 2 Februarie 1999
- Die verslag van die Verenigde Volke se Vlugtelingekommissaris (UNHCR) oor die aansoek om politieke asiel van 2 100 Namibiërs in Botswana, sou vandag op die laatste aan die Botswana-regering oorhandig word.
- Die Wetsontwerp op Diamante het gister skerp kritiek uitgelok toe getuienis voor die Parlementêre Komitee oor Natuurlike Hulpbronne dit as van drakonies tot ongrondwetlik uitgemaak het.
- Met die uitsondering van enkele tegniese aspekte is die pad Sondag tydens die Kabila-besoek aan pres. Sam Nujoma berei vir die ondertekening van ’n staakvuurooreenkoms in die Demokratiese Republiek van Kongo.
Woensdag 3 Februarie 1999
- Die plaaslike impak van Ou Mutual se demutualisering teen die middel van 1999 is gelykstaande aan sowat 2,6 persent van Namibië se bruto binnelandse produk en die notering van dié maatskappy sal Namibië se nasionale rykdom met tussen N$300 en N$400 miljoen vergroot.
- Terkortkominge kniehalter die vooruitgang waarop Namibiërs sedert onafhanklikwording hoop. In dié verband moet die verskillende ministeries hul sokkies optrek en hul huise in orde bring.
- Verskeie voorstelle en riglyne vir regstellende stappe is gedoen op ’n vergadering waarop die Ministerie van Basiese Onderwys en Kultuur onder skoot gekom het na aanleiding van probleme wat met die uitslae van matriekeksamens ondervind is.
Donderdag 4 Februarie 1999
- Ingrypende regeringsoptrede kom om potensiële politieke misbruik in die benutting van Namibië se vernaamste ekonomiese hulpbron, die visbedryf, hok te slaan.
- Inwoners van Okahandja het ’n rower en sy buit van N$125 000 aangekeer nadat hy ’n vrou op die dorp beroof en op die vlug geslaan het.
- Dit skyn een tree vorentoe en twee treë agtertoe te wees met die vredesproses vir die Demokratiese Republiek van Kongo (DRK).
Vrydag 5 Februarie 1999
- Die politieke en ekonomiese muur van invloed wat oor minstens ’n dekade in Namibië die beweerde internasionale Mafia-baas, Vito Palazollo alias Robert Von Palace-Kolbachenko moes beskerm, het dramaties ineengestort.
- Die spreekwoordelike bom het in die geledere van leerkragte by die Hoër Tegniese skool in Windhoek gebars weens ’n geskil oor die toekenning van bonusse en ’n beweerde uitlating van die voorsitter van die skoolkomitee, mnr. Flip Smit, dat daar ’n “vrot kol” onder hulle bestaan.
- ’n Huurooreenkoms vir ’n satellietpolisiekantoor in Klein Windhoek sal na verwagting binnekort deur die Namibiese Polisie en die Windhoekse stadsraad onderteken word.
Kommentaar
Republikein
Geen kommentaar is op hierdie artikel gelaat nie