20 Jaar Gelede

Maandag 7 Desember 1998- Hoewel finansiële kenners dit eens is dat Namibië ’n fase betree wat deur afwaartse aanpassings van rentekoerse gekenmerk gaan word, sal die plaaslike ekonomie waarskynlik eers weer teen laat volgende jaar op dreef kom. - Goeie reënneerslae oor die sentrale hoërliggende deel van die land, gepaard met hael en sterk wind, het die naweek die hoop laat opvlam dat vanjaar tog ’n goeie reënjaar kan wees.- Skaars ’n dag ná die voorsitter van die Verkiesingskommissie, regter Fonnie Karuaihe, die verkiesings vry en regverdig verklaar het, het hy in ’n motorongeluk gesterf. - Namibië se tronke en rehabilitasiesentrums van die Ministerie van Gevangeniswese is opnuut ’n kookpot van ontevredenheid. Dinsdag 8 Desember 1998- Mnr. Gerald Edwards, ’n Amerikaanse sakeman, het N$200 000 vir die koop van nierdialise en verwante toerusting sowel as beddens aan die Windhoekse Sentrale Hospitaal oorhandig.- Nampower se goedgekeurde kapitale besteding, waaronder die Kudu-gasprojek, gaan binne die volgende drie jaar meer as N$1,8 biljoen in die Namibiese ekonomie stort.- Dispute rondom die erkenning van stamme deur die Regering oorheers die sakelys van die eerste vergadering van die Raad van Tradisionele Leiers. - Namibiërs moet ophou om emosioneel oor die moontlikheid van ’n waterkragskema by die Epupa-waterval in die Kunene-rivier te reageer. Woensdag 9 Desember 1998- Die 103 Caprivi-afvalliges in Botswana is besig om hulle in dié land onder die Caprivi Liberation Front (CLF), die gewapende vleuel van die UDP van mnr. Mishake Muyongo, te herorganiseer.- Die Kersseisoen is in volle swang en honderde vakansiegangers sal na verwagting van die langnaweek gebruik maak om met hul reise na vakansiebestemmings te begin. - Angolese regeringsmagte en Unita is gewikkel in wat as “’n volskaalse oorlog” bestempel word – ’n situasie waardeur die regering van Angola gedwing is om ’n gemeganiseerde brigade uit die Demokratiese Republiek van Kongo te onttrek. - Die Raad van Tradisionele Leiers het geen besluit rondom die kwessie oor die aanstelling of verkiesing van ’n opperhoof vir die Mafwe’s geneem nie. Donderdag 10 Desember 1998, Menseregtedag Vrydag 11 Desember 1998- Die verbod op die in- en uitvoer van bloed en bloedverwante produkte kan dié feestydperk die lewens van duisende Namibiërs eis.- Menseregtedag is gister in Namibië herdenk met ’n beroep deur Sam Nujoma dat geweld teen vroue en kinders beëindig moet word en dat inwoners van die land hulle tot harde werk moet verbind.- Druk uit verskeie oorde kan Namibiese betrokkenheid in die Kongo-rebellie voor die nuwe jaar beëindig.- Die oprigting van Namibië se eerste waardesentrum, asook ’n inkopiekompleks van 35 000 vierkante meter waarin al die vernaamste handelsreuse reeds hul belangstelling getoon het, gaan die land ’n ekonomiese inspuiting van meer as N$1 miljard binne die volgende twee jaar besorg.

20 Jaar Gelede

Kommentaar

Republikein 2025-06-11

Meld asseblief aan om kommentaar te lewer

20 Jaar Gelede

Kommentaar

Republikein 2025-06-11

Meld asseblief aan om kommentaar te lewer

MELD AAN

Advertensie