20 Jaar Gelede

Maandag 12 Januarie 1998- Die beweerde bedrog rondom die uitbetaling van belonings ter waarde van honderde duidsende Namibiese dollar aan beweerde fiktiewe dwelmsmokkelnuusdraers het sy eerste hoëprofielslagoffer geëis.- “Louter onsin”. Dít is hoe die Prokureur-Generaal, adv. Vekuii Rukoro, reageer het op beweringe dat hy betrokke was by die aanranding van twee inwoners van Okakarara.- Die seewater aan die Namibiese kus – soos eintlik alle seewater – bevat té min van die elemente soos aluminium en magnesium wat ’n private Duitse ingenieursgroep by ’n seewaterontsoutingsaanleg van N$480 miljoen op Walvisbaai wil ontgin. Dinsdag 13 Januarie 1998- Betrekkinge tussen Namibië en Botswana stuur weer op ernstige diplomatieke konflik af nadat Botswana sy weermag op ’n derde eiland in die noordoostelike riviergrensgebiede ontplooi het en nou aanspraak maak op verskeie ander eilande.- Die grensdraad-geskil tussen familie van die Prokureur-generaal, adv. Vekuii Rukoro, en twee inwoners van die Okakarara-omgewing het gister skerp reaksie van ’n inwoner op die dorp ontlok.- ’n Seldsame gebeurtenis het hom die afgelope vakansieseisoen in die Skedelkuspark afgespeel toe water in die vier grootste niestandhoudende riviere die see bereik het en vir ’n weergalose skouspel gesorg het. Woensdag 14 Januarie 1998- Behoeftige senior inwoners van Windhoek wat sukkel om die mas op te kom met hul karige maandelikse pensioen van N$160, gaan nie enige voorkeurbehandeling van die Windhoekse munisipaliteit ontvang wat hul agterstallige diensterekening betref nie.- Die mynwerkersvakbond dreig om Namibië se rekord van arbeidsverhoudinge vanjaar totaal te vernietig.- Die Ministerie van Buitelandse Sake dra nie kennis van die aanspraak wat Botswana sedert die naweek op nog eilande in die noordoostelike riviergrensgebiede met Namibië maak nie. Donderdag 15 Januarie 1998- ’n Ooglopende Namibiese voeteslepery en ontkennings oor grensspanning in die Chobe eilandgebied met Botswana het inwoners van Caprivi in die arms van ’n voormalige Suid-Afrikaanse veggeneraal en leier van die Vryheidsfront, genl. Constand Viljoen, gedryf.- Michelle Lamprecht, ’n matriekleerling van die Hoërskool Windhoek, het gister na Suid-Afrika vertrek om aan Huisgenoot/You se Mej. Tiener-wedstryd deel te neem. - Die Windhoekse inwonersvereniging, die LCA, is op sy herstigtingsvergadering uiteen met ’n opdrag aan bestuurslede om self kandidate vir die plaaslike verkiesings te gaan soek. Vrydag 16 Januarie 1998- Persoonlike presidensiële ingryping het die Caprivi/Botswana-grensgeskil die afgelope 24 uur tot krisis-afmetinge gedwing.- Die Caprivi-grensvraagstuk met Botswana skreeu om militêre teenoptrede deur die Namibiese weermag in belang van Namibië se gebiedsintegriteit en soewereiniteit. - Die Namibiese Regering pas dubbele standaarde toe en kan in die kategorie van ’n slegte werkgewer ingedeel word, sê die president van die Nasionale Unie van Namibiese Werkers, (NUNW), mnr. Ponhele YaFrance.

20 Jaar Gelede

Kommentaar

Republikein 2025-05-01

Meld asseblief aan om kommentaar te lewer

20 Jaar Gelede

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie