20 Jaar Gelede

Maandag 20 Maart 2000- ’n Konserwatiewe kabinetskommeling met ’n duidelike boodskap van rasionalisasie van die staatsdiens en die hoogste prioriteit op werkverskaffing, onderwys en opleiding asook vroueaangeleenthede, lui die volgende vyf jaar na die eerste tien jaar van Namibiese onafhanklikheid in.- ’n Lid van ’n Arabiese koninklike familie is Donderdag saam met vier buitelanders en ’n Namibiër deur die Polisie in Windhoek in hegtenis geneem toe hulle ongeslypte diamante ter waarde van N$3,7 miljoen wou koop.- Dis net ’n kwessie van tyd voor Namibiese soldate wat in die Demokratiese Republiek van Kongo (DRK) veg, finaal huis toe kom. Dinsdag 21 Maart 2000, Onafhanklikheidsdag Woensdag 22 Maart 2000- Een-en-twintig kanonskote, die gejuig van duisende mense en kleurryke balonne wat in die lug opstyg, het gister in die teenwoordigheid van talle Afrika-staatshoofde en ander hoogwaardigheidsbekleërs Namibië se tiende onafhanklikheidsjaar aangekondig.- Namibië en die voorbeeld wat die land vir vrede en stabiliteit – nie net in Suider-Afrika nie, maar vir die hele vasteland – stel, is allerweë deur besoekende staatshoofde geprys.- Ná tien jaar van onafhanklikheid was pres. Sam Nujoma se boodskap gister dat die hardste werk voorlê.- Pres. Sam Nujoma het gister aangekondig dat 739 gevangenes dwarsoor Namibië onmiddellik vrygelaat sal word kragtens ’n presidensiële amnestie as deel van die land se tiende onafhanklikheidsvieringe.Donderdag 23 Maart 2000- Groot sprinkaanswerms het na die goeie reën in die Suide in die omgewing van Warmbad en Maltahöhe sowel as die kommunale gebied van Bondelswarts hul opwagting op plase gemaak. - Namibiese regeringsinstellings het blykbaar in stryd met nasionale en internasionale reg gehandel, asook die Vlugtelingkonvensie van die VVO oortree ten opsigte van die wyse waarop met Angolese vlugtelinge gehandel word. - Water vir die 21ste eeu – die tema waaronder Waterdag gister wêreldwyd herdenk is – fokus op die uitdagings wat die mensdom in die gesig staar in die ontwikkeling en bestuur van waterbronne in die komende eeu. Vrydag 24 Maart 2000- Die Namibiese regering het daadwerklike stappe gedoen om te verseker dat Angolese vlugtelinge ooreenkomstig die VVO se Konvensie oor Vlugtelinge behandel word.- Die vismaatskappy Namsov Trading gaan vanoggend in die Hoërhof vra dat die kontrak nietig verklaar word ingevolge waarvan vis van N$2,8 miljoen aan ’n Ghanese maatskappy verkoop sou word. - Neerslae van meer as 1 mm in minder as ’n uur het die afgelope dae oor dele van die land uitgesak waar reën dié seisoen skaars was.

20 Jaar Gelede

Kommentaar

Republikein 2025-05-02

Meld asseblief aan om kommentaar te lewer

20 Jaar Gelede

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie