20 jaar gelede
Maandag 12 Junie 2000
- Die hoofstad was die naweek in ’n wurggreep van gewapende en georganiseerde rooftogte vasgevang nadat vier verdagtes onder wie twee polisiemanne en ’n lid van die Weermag Vrydag op Okahandja weens die moord op die bejaarde Adrian-egpaar verskyn het.
- ’n Uitgelese groep Oostenrykse verslaggewers moes verlede week tydens ’n besoek aan Staatshuis verdwaas luister hoe pres. Sam Nujoma hul land se koalisieregering as ’n “Fascistiese regime” uitkryt en sê hy hoop nie een van hulle het daarvoor gestem nie.
- Nuwe lewe gaan in die kunste in Namibië geblaas word met een van die land se grootste maatskappye (NamWater) wat ’n kunsstigting vir die ondersteuning van kunstenaars op die been gebring het.
Dinsdag 13 Junie 2000
- Die Namibiese Landbou-unie (NLU) gaan die beweerde betrokkenheid van Polisie-, en Weermaglede by ernstige misdaad op die hoogste moontlike vlak aanspreek in ’n poging om ’n toenemende vertrouenskrisis te probeer afweer.
- Die nasionale dialog vir ’n kultuur van vrede en verdraagsaamheid het gister in Windhoek begin.
- Die huidige krisis in Zimbabwe kan positiewe gevolge hê deur as ’n wekroep vir Namibië en Suid-Afrika te dien om pro-aktief en vinniger op die grondhervormingskwessie te reageer.
Woensdag 14 Junie 2000
- Die MPLA het hom nou tot sy Suid-Afrikaanse huurtroepemag en -arsenaal gewend om hom in sy suidelike offensief uit Namibië teen Unita by te staan.
- Die Namibiese motorgroep Hyundai se deure is gisteroggend gesluit en die nagenoeg veertig werknemers van sy drie takke is tot verdere kennisgewing huis toe gestuur.
- Infrastruktuur van byna N$20 miljoen word in Windhoek opgerig om ’n groter watertoevoer van die nuwe Goreangab-herwinningsaanleg aan stadsinwoners te voorsien.
Donderdag 15 Junie 2000
- Die regering het gister op ondubbelsinnige wyse en in die duidelikste taal nóg sedert onafhanklikwording sprake van onteiening van grond in Namibië die nek ingeslaan.
- Die soektog na olie is in volle swang in ’n diepsee-lisensiegebied op die grens met Angola waarin die regering voldoende ekonomiese potensiaal voorsien om self deur die Nasionale Petroleumkorporasie van Namibië (Namcor) in ’n konsortium van belangegroepe betrokke te raak.
- Die immigrasie-owerheid in Kavango het ’n beroep op die inwoners van die streek gedoen om hul identiteitsdokumente en geboortesertifikate gereeld by hulle te hê.
Vrydag 16 Junie 2000
- Die Namibiese landbousektor moes die afgelope jaar ’n styging van 59 persent in die dieselprys absorbeer. Die taxi-bedryf word op soortgelyke wyse geknel.
- Die Ministerie van Gevangenisse en Korrektiewe Dienste oorweeg die moontlikheid van gemeenskapsdiens as straf vir oortreders wat geringe oortredings begaan het om die regering en die belastingbetaler geld te bespaar.
- ’n Grootskaalse herstruktureringsproses binne die TransNamib-groep weens ’n opgehoopte skuldlas en ’n afname in werkvolume, was daarvoor verantwoordelik dat een van die voorste kenners van Namibië se treinvervoer-dienste, mnr. Stinus Brink, sedert 31 Mei sy pos as besturende direkteur van Namrail ontruim het nadat hy ’n vroeë aftredingspakket aanvaar het.
- Die hoofstad was die naweek in ’n wurggreep van gewapende en georganiseerde rooftogte vasgevang nadat vier verdagtes onder wie twee polisiemanne en ’n lid van die Weermag Vrydag op Okahandja weens die moord op die bejaarde Adrian-egpaar verskyn het.
- ’n Uitgelese groep Oostenrykse verslaggewers moes verlede week tydens ’n besoek aan Staatshuis verdwaas luister hoe pres. Sam Nujoma hul land se koalisieregering as ’n “Fascistiese regime” uitkryt en sê hy hoop nie een van hulle het daarvoor gestem nie.
- Nuwe lewe gaan in die kunste in Namibië geblaas word met een van die land se grootste maatskappye (NamWater) wat ’n kunsstigting vir die ondersteuning van kunstenaars op die been gebring het.
Dinsdag 13 Junie 2000
- Die Namibiese Landbou-unie (NLU) gaan die beweerde betrokkenheid van Polisie-, en Weermaglede by ernstige misdaad op die hoogste moontlike vlak aanspreek in ’n poging om ’n toenemende vertrouenskrisis te probeer afweer.
- Die nasionale dialog vir ’n kultuur van vrede en verdraagsaamheid het gister in Windhoek begin.
- Die huidige krisis in Zimbabwe kan positiewe gevolge hê deur as ’n wekroep vir Namibië en Suid-Afrika te dien om pro-aktief en vinniger op die grondhervormingskwessie te reageer.
Woensdag 14 Junie 2000
- Die MPLA het hom nou tot sy Suid-Afrikaanse huurtroepemag en -arsenaal gewend om hom in sy suidelike offensief uit Namibië teen Unita by te staan.
- Die Namibiese motorgroep Hyundai se deure is gisteroggend gesluit en die nagenoeg veertig werknemers van sy drie takke is tot verdere kennisgewing huis toe gestuur.
- Infrastruktuur van byna N$20 miljoen word in Windhoek opgerig om ’n groter watertoevoer van die nuwe Goreangab-herwinningsaanleg aan stadsinwoners te voorsien.
Donderdag 15 Junie 2000
- Die regering het gister op ondubbelsinnige wyse en in die duidelikste taal nóg sedert onafhanklikwording sprake van onteiening van grond in Namibië die nek ingeslaan.
- Die soektog na olie is in volle swang in ’n diepsee-lisensiegebied op die grens met Angola waarin die regering voldoende ekonomiese potensiaal voorsien om self deur die Nasionale Petroleumkorporasie van Namibië (Namcor) in ’n konsortium van belangegroepe betrokke te raak.
- Die immigrasie-owerheid in Kavango het ’n beroep op die inwoners van die streek gedoen om hul identiteitsdokumente en geboortesertifikate gereeld by hulle te hê.
Vrydag 16 Junie 2000
- Die Namibiese landbousektor moes die afgelope jaar ’n styging van 59 persent in die dieselprys absorbeer. Die taxi-bedryf word op soortgelyke wyse geknel.
- Die Ministerie van Gevangenisse en Korrektiewe Dienste oorweeg die moontlikheid van gemeenskapsdiens as straf vir oortreders wat geringe oortredings begaan het om die regering en die belastingbetaler geld te bespaar.
- ’n Grootskaalse herstruktureringsproses binne die TransNamib-groep weens ’n opgehoopte skuldlas en ’n afname in werkvolume, was daarvoor verantwoordelik dat een van die voorste kenners van Namibië se treinvervoer-dienste, mnr. Stinus Brink, sedert 31 Mei sy pos as besturende direkteur van Namrail ontruim het nadat hy ’n vroeë aftredingspakket aanvaar het.
Kommentaar
Republikein
Geen kommentaar is op hierdie artikel gelaat nie