2 vermeende terroriste gaan aan VSA uitgelewer word

Dit wil voorkom of Brittanje sy teenkanting teen die doodstraf en die tronk in Guantanamo-baai, die fasiliteit in Kuba waar terreurverdagtes van die buiteland aangehou word, ietwat verslap het deur in te stem dat twee Islamitiese militante van Britse herkoms aan Amerika uitgelewer mag word.The Daily Telegraph berig hulle is Alexanda Kotey (34) en El Shafee Elsheikh (29) van die sogenaamde Beatles-terroristegroep wat bande met die Islamitiese Staat (Isis) het.Hulle word deur Koerdiese magte in Sirië aangehou, nadat hulle in Januarie aangekeer is toe hulle uit die land probeer vlug het.BURGERSKAP OPGEHEFHul Britse burgerskap is opgehef toe hulle by IS aangesluit het.Volgens dokumentasie in die koerant se besit het Brittanje ook besluit om belangrike inligting aan die Amerikaanse regering beskikbaar te stel wat in die vervolging sal help, sonder om sy vorige dreigement uit te voer dat dit net gedoen sal word as daar verseker kan word dat die twee mans nie tereggestel word nie, berig The Times.In ’n brief van Sajid Javid, Brittanje se minister van binnelandse sake, aan Jeff Sessions, Amerika se minister van justisie, eis Brittanje geen versekering dat die twee mans nie ter dood veroordeel word nie.Die Britse regering het ook nie formeel beswaar gemaak dat Kotey en Elsheikh by Guantanamo-baai se tronk aangehou word nie.Dié terroristesel, wat sy naam gekry het omdat al vier sy lede Britse aksente het, sit glo agter die moord op James Foley en Steven Sotloff, Amerikaanse joernaliste, David Haines en Alan Henning, Britse noodlenigingswerkers, en Peter Kassig, ’n Iranese oorlogsveteraan. – Netwerk24

2 vermeende terroriste gaan aan VSA uitgelewer word

Kommentaar

Republikein 2025-11-06

Meld asseblief aan om kommentaar te lewer

2 vermeende terroriste gaan aan VSA uitgelewer word

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.