1ste Lego-winkel open in Suid-Afrika

Hanlie Stadler - Suid-Afrika kry einde Julie sy eerste toegewyde Lego-winkel in Sandton City, Johannesburg.Dis die eerste winkel in Afrika wat deur Lego gesertifiseer is.Die formaat van dié winkel gaan speel- en bouruimtes vir kinders van alle ouderdomme insluit, soortgelyk aan Lego-winkels wat in 20 ander lande bedryf word.The Great Yellow Brick Co het die eksklusiewe regte bekom om Lego-winkels in Suid-Afrika te open en die maatskappy wil mettertyd nog winkels landwyd open. Die doelwit is om binne drie jaar ’n Lego-winkel in elkeen van Suid-Afrika se groot stede te hê.Lego-speelgoed sal steeds in ander speelgoedwinkels te koop wees.Robert Greenstein, Hayley Greenstein en Greg Bergh is die stigters van The Great Yellow Brick Co.Hulle gaan ook ’n uitgebreide aanlyn winkel op die been bring.Gesertifiseerde Lego-winkels word deur die Deense moedermaatskappy ontwerp en moet aan sekere riglyne voldoen. Die winkels is ingerig met baie speelplek waar kinders Lego kan beleef.Robert Greenstein sê in ’n verklaring hy was nog altyd mal oor Lego en het reeds in 2014 uitgereik na die maatskappy om ’n plaaslike winkel te open.“Op daardie tydstip het die handelsmerk gevoel die plaaslike mark is nog nie gereed vir ’n gesertifiseerde winkel nie, maar in 2016 het ons nog ’n kans gekry om vir die kontrak te bie.”Kristian Imhof, bestuurder vir die Lego-groep in Suid-Afrika, sê hulle is opgewonde om aan ou en nuwe aanhangers van Lego die geleentheid te gee “om hul Lego-wêreld te bou”.Meer inligting oor spesiale Lego-produkte wat uitgereik word of oor die opening van winkels sal op The Great Yellow Brick Co se Facebook-blad bekend gemaak word.Lego is in 1932 deur Ole Kirk Kristiansen gestig. Dit is ’n ongenoteerde maatskappy wat steeds deur die stigtersfamilie beheer word.Lego was in 2017 die naasgrootste speelgoedmaatskappy ter wêreld volgens inkomste, volgens Statista. Bandai Namco, die Japanse vervaardiger van rekenaarspeletjies en versamelstukke wat daarmee verband hou, is die grootste. Lego is groter as Hasbro en Mattel. - Netwerk24

1ste Lego-winkel open in Suid-Afrika

Kommentaar

Republikein 2025-05-01

Meld asseblief aan om kommentaar te lewer

1ste Lego-winkel open in Suid-Afrika

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie