19 vas oor wildmisdaad

Twee glo met ietermagô gevang

14 August 2019 | Misdaad
Francoise Steynberg - Altesaam 19 mense is tot dusver in Augustus in verband met ses wildmisdaadsake in hegtenis geneem.

Volgens statistieke wat deur die polisie-eenheid vir beskermde hulpbronne en die ministerie van die omgewing en toerisme se eenheid vir intelligensie en ondersoeke vir wildmisdaad in Augustus saamgestel is, is twee verdagtes in verband met renosterstropery of -horingsmokkelary of pogings daartoe in hegtenis geneem.

Beslag is ook op vier gemsbokke, twee lewende ietermagôs, een ietermagôvel en een duiker gelê, maar geen vuurwapens, ammunisie of voertuie is gekonfiskeer nie.

Tien vermeende wildstropers het Maandag in die landdroshof op Otjiwarongo verskyn ná hulle Vrydag op Kalkfeld in hegtenis geneem is.

Mnre. Benny Tsaeb (32), Dolph Mutirakuti (20), Rivaldo Kamuhake (20), Michael Ameb (20), Bentley Poppas (26), Alex Kangombe (18), Ewald Kamaturiri (32) en ’n 16-jarige het op klagte van onwettige jag verskyn.

Me. Katrina Amadhila (31) en mnr. Petrus Nangolo (33) het in ’n ander hof op klagte van die onwettige besit van vier gemsbokkarkasse ter waarde van N$10 800 verskyn.

Volgens Nampa het landdros Ivette Fredericks borgtog van N$3 000 elk aan Tsaeb, Mutirakuti, Kamuhake, Ameb, Poppas, Kangombe en Kamaturiri toegestaan, terwyl die minderjarige op ’n waarskuwing vrygelaat is.

Hulle sou gister weer vir pleitdoeleindes in die hof verskyn.

Amadhila en Nangolo bly in aanhouding en landdros Eduard Kesslau het hul saak tot 3 Oktober vir verdere ondersoek uitgestel.

Me. Anna Amukugo en mnr. Joas Neemwatya het vir die staat verskyn.

Twee mans (60 en 48) is Vrydag om 15:00 glo by die Mbambi-nedersetting op die hoofpad tussen Nkurenkuru en Mpungu in die Kavango-Wesstreek tydens ’n polisiesoektog met ’n ietermagô in hul besit gevind.

Hulle sou ook gister in die hof verskyn.

[email protected].na

Soortgelyk

 

50 nuwe Covid-19-gevalle, 32 in Windhoek

13 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...